^

Opinion

Pagyukbo sa tingog sa katawhan

ARANGKADA - Leo Lastimosa - The Freeman

Ang dalayegon nga pagtahud ni Bise Presidente Leni Robredo sa resulta sa eleksiyon sa Mayo 9–giawhag ang iyang mga dumadapig pagdawat sa kamatuoran nga ang sentimento sa kinabag-an sa mga botante sukwahi sa ilang gilauman ug gisugo ang iyang mga abogado sa pagdawat sa tanang 173 ka certificates of canvass (CoCs) ug sa di pagtambong sa opisyal nga iskutenyo sa mga sakop sa Kongreso–makapaspas sa proklamasyon sa bag-ong presidente ug bise presidente.

Pero namantsahan. Sa kakuwang og kaikog ug ka way bisan gamay nga lama sa kauwaw sa iyang kaatbang.

 * * *

Si presumptive President Ferdinand Marcos Jr. wa magtagad sa pagbadlong, mahimo nga mao pa gani ang nagsugo, sa iyang mga paryente sa paglingkod isip mga sakop sa National Board of Canvassers (NBOC) nga niihap sa mga boto sa tanang CoCs sa presidential ug vice presidential elections:

Sa kadaghan sa kapilian sa 24 ka senador, niinsistir ang iyang maguwang nga si Imee sa paglingkod sa NBOC; ug

Sa mas daghang kapilian sa 304 ka kongresista, ang iyang ig-agaw nga si House Majority Leader Martin Romualdez ang nangu sa House contingent.

 * * *

Way plano ang mga Marcos pagtuman sa wa masuwat nga lagda sa kaikog sa Kongreso–ang magpapili pagka Senate President o House Speaker mo-nominate sa ilang kaatbang ug di mobotar sa ilang kaugalingon. Di paigo ang ilang pagkontrolar sa Malakanyang. Gusto sang gawongan ang Senado ug House.

Gawas nga si Romualdez nagwarawara nang maoy sunod nga speaker pinaagi sa pagpakyaw sa suporta sa tanang partido, si Imee nipahibawo sa iyang plano pagkupot sa ikaduhang labing taas nga katungdanan–ang pagka Senate President Pro Tempore.

 * * *

Mahimong pasanginlan si Robredo nga napugos lang sa pagduko sa pait nga resulta sa eleksiyon, nga wa ra katunga ang iyang mga boto sa makabungog nga mayoriya ni Marcos Jr. Pero hinaot nga di mausik ang kamakahuloganon sa iyang pagyukbo sa tingog sa katawhan.

Lahi ni Marcos nga nitilok sa niaging unom ka tuig sa pagpamugos sa way sukaranan niyang electoral protest, nipili si Robredo sa mas mapuslanon nga gimbuhaton: Ang pagtukod sa labing lapad nga grupo sa mga boluntaryo pagtabang sa labing kabos, labing masakiton, labing gipanggutom ug labing napasagdan.

COC

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with