^

Opinion

Pagpahiyos imbes pagsulbad sa problema

ARANGKADA - Leo Lastimosa - The Freeman

Sukad pa sa pagsugod sa pandemya, kapin sa duha ka tuig ang nilabay, determinado ang pamunoan ni Presidente Rodrigo Duterte sa pagpahiyos sa ihap sa mga kaso sa COVID-19. Ila nang gipamatud-an sa mosunod nga bantang nga mga maniobra:

- Wa tumana ang pasalig nga i-apil sa opisyal nga ihap sa mga kaso ang resulta sa rapid antigen tests nga sa niaging tuig pa nila gipakatap; ug

- Karong tuiga, dungan sa pagsulbong sa Omicron, wa na ipaubos og PCR tests ang asymptomatic nga close contacts sa positibo nga mga kaso.

 -o0o-

Ang kinaham nga argumento sa mga negosyante nga naglibot ni Presidente Duterte sa pagsalikway sa pinalapdang PCR testing mao ang binilyon ka pesos nga gasto. Sa pikas nga bahin, wa silay ek sa pagpaburot sa intelligence funds nga gigamit sa usik-usik nga di masubli sa Commission on Audt (COA).

Maong niinsistir sila, ug gitumanan sila sa presidente, nga pinili ra ang PCR tests. Sukwahi sa gihimo sa ubang kanasuran nga mas epektibong nakakita hain ang tinakdanay. Maong nabadlong dayon sa labing dali nga panahon sa wa pa makakatap sa mas daghan.

 -o0o-

Maong maglisod sa pagpasabot ang Department of Health (DOH) nganong ubos ang ilang ihap sa mga kaso sa COVID-19 sa niaging duha ka tuig. Kon ikumparar sa mas saktong ihap sa Philippine Statistics Authority (PSA), nga gibase sa death certificates ug ubang opisyal nga mga dokumento.

Nga nakadiskubre nga ang COVID-19 nisulbong gikan sa ika-15 nga hinungdan sa kamatayon niadtong 2020 ngadto sa ikatulo na, sunod sa sakit sa kasingkasing ug stroke, sa 2021.

 -o0o-

Nisamot kapuliki ang DOH pagpanagang sa banabana sa OCTA Research Group, nga napamatud-an sa makadaghan nang higayon nga mas maayong mohubad sa kasayuran sa DOH, nga kapin na sa milyon ang natakdan sa COVID-19 sa Metro Manila.

Unsa kakasaligan ang ahensiya nga morag ang mas importanteng trabaho mao ang pagpahiyos sa ihap kay sa pagpahibawo ug pag-atubang sa tinuod nga gidaghanon sa mga kaso sa tibuok nasud? Unsaon nato paglaom nga masulbad nila ang problema nga kusganon nilang gipanghimakak? Unsay katakos sa gobyerno pagduma sa pandemya nga imbes atimanon ang mga pasyente gimasahean na man hinuon ang mga numero?

COVID-19

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with