_freeman
^

Opinion

Lili sa kakuyaw sa Omicron

ARANGKADA - Leo Lastimosa - The Freeman

Nipasidaan ang World Health Organization (WHO) nga mahimong maabtan ang ilang mga siyentipiko nga nakigtambayayong sa ilang kaubanan sa nagkalainlaing kanasuran sa mga pagtuon unsa kamananakod, unsa kamakamatay ug unsa kamasupilon sa mga bakuna ug mga tambal ang Omicron kon ikumparar sa Delta ug ubang variants sa COVID-19.

Pero ang WHO nipalili na nato unsa kaseryuso sa hulga sa Omicron: Mahimong mas paspas nga mokatap sa nagkalainlaing bahin sa kalibotan; ug nga kon di kapangandaman dayon mahimo nga moinat sa pandemya ug mopaluhod na sab sa kalibotanon nga ekonomiya.

 * * *

Nipalili nato og dugang detalye sa pasiunang kasayuran nga nahipos sa mga pagtuon mao ang tagduma sa Moderna nga si Stephane Bancel: Mahimong di sama ka-epektibo ang mga bakuna batok sa Omicron. Matod ni Bancel ang tanang siyentipiko nga iyang gikahinabi nidason sa kahadlok nga ang bag-ong variant makalusot sa antibodies gikan sa mga nabakunahan o mga natakdan sa COVID-19.

Makapakugang ang sulti ni Bancel kay gipaabot unta nga mopasalig siya sa ka-epektibo sa ilang bakuna sa Moderna. Ang talagsaong kadaghan sa mutations sa Omicron maoy nakapakumbinser niya nga kinahanglang usbon ang mga bakuna.

 * * *

Ang kalibotanong kabalaka sa Omicron pinasikad sa kakuwang sa kasayuran sa nangaging mga adlaw mapulihan sa kaalarma tungod sa kumpisal gikan sa tagduma sa kompaniya nga nakahimo sa usa sa labing malampuson nga mga bakuna batok sa COVID-19.

Kon simbako tinuod nga di masagang sa Moderna ug ubang mga bakuna, ang Omicron mopasulbong pagbalik sa mga kaso ug kamatayon, mopaawas na sab sa mga ospital ug padayong monudnod sa kalibotanong ekonomiya.

 * * *

Hinaot nga gawas sa buutbuot nga pasidaan pagbalik pagpamugos sa face shields, ang retiradong mga heneral ug ubang naglibot ni Presidente Rodrigo Duterte mokumbinser niya sa pagpatigbabaw sa siyensiya di sa politika sa pagpangdam sa Omicron:

- Nitambag ang WHO nga ang pagpalapad sa PCR testing, nga nagpabiling epektibo pag-ila sa bag-ong variant, makatabang sa pagtultol sa di pa makakatap ang tinakdanay; ug

- Ubang kanasuran nihawan nang daan sa ilang mga ospital pinaagi sa pag-uswag sa di dinalian nga mga operasyon aron mapalambo ang katakos pag-atiman sa mga pasyente kon mosulbong ang mas grabeng mga kaso tungod sa Omicron.

OMICRON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with