_freeman
^

Opinion

Kinsay nangurog sa ICC

ARANGKADA - Leo Lastimosa - The Freeman

Di mabasol ang Malakanyang nga nangangkon dayon og kadaogan sa pagsuspenso sa prosecutor sa International Criminal Court (ICC) sa imbestigasyon sa mga pasangil sa crimes against humanity batok ni Presidente Rodrigo Duterte. Pero ahat pa.

Wa suspensoha ang imbestigasyon tungod sa kakuwang ni kahuyang sa mga ebidensiya batok ni Duterte ug sa iyang mga sinugo. Kon dili tungod sa hangyo sa embahada sa Pilipinas sa Netherlands nga hatagan og higayon ang administrasyong Duterte nga makahimo sa iyang kaugalingong imbestigasyon sa laktod nga pinatyanay sa kampanya batok sa ilegal nga drugas.

***

Giklaro sab ni ICC Prosecutor Karim Khan nga igo lang gisuspenso pero wa hunonga ang pormal nga imbestigasyon nga gitugotan sa Pre-Trial Chamber sa ICC sa bangis nga mga krimen sa Pilipinas sugod sa Nobyembre 1, 2011 (dihang si Duterte pay nagduma sa Davao City) hangtod sa Marso 17, 2018 (dihang nigawas ang administrasyong Duterte gikan sa ICC). Sa ato pa:

- Magpadayon ang analysis sa mga ebidensiya nga nahipos na;

- Magpadayon pagdawat og bag-ong mga ebidensiya gikan sa third parties; ug

- Magpadayong pagpreserbar sa mga ebidensiya ug pagpanalipod sa mga testigo.

***

Mangayo si Khan sa umaabot nga mga adlaw og dugang kasayuran gikan sa administrasyong Duterte unsa ang mga sukaranan sa hangyo paglangay sa imbestigasyon sa ICC. Karon pa lang nipasidaan nang human rights group nga ma-insulto si Khan sa imbestigasyon ni Duterte sa iyang drug war:

52 ra sa 30,000 ka kaso sa laktod nga pinatyanay ang gi-imbestigar sa Department of Justice sa Pilipinas. Nangalisbong ulug-ulog ang gipatuong paningkamot paghatag og hustisya sa mga biktima.

***

Ang wa isulti sa administrasyon mao nga ang ilang suwat hangyo sa ICC nisukwahi sa pangangkon ni Presidente Duterte sa niaging tulo na ka tuig nga wa niya ilha ang hurisdiksiyon ug nga di siya moapil sa imbestigasyon sa ICC.

Nganong nikalit man lang siya og balitok? Wa na bay tarung nga kinatulgan sud sa iyang moskitero sa Davao? Gihamok na ba sa mga kalag sa inosenteng mga biktima sa duguon niyang kampanya? Gilubatlubatan na ba nga di diay mabadlong ang ICC sa bastos nga mga insulto? Ug nga nagkaduol na ang adlaw sa panudya?

INTERNATIONAL CRIMINAL COURT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with