_freeman
^

Opinion

Mas kusgang panagang sa Delta

ARANGKADA - Leo Lastimosa - The Freeman

Gawas sa liquor ban ug pagpataas sa curfew sa Cebu City, istorya ray gihimo sa lokal nga mga opisyal sa Sugbo atubangan sa pagsulbong sa bag-ong mga kaso sa COVID-19. Bisan sa kabalaka nga Delta variant nay hinungdan sa paspas nga tinakdanay, nagtuo silang mabadlong ang kagaw sa sulti lang.

Ang paghudlat sa Lapu-Lapu City pag-ban sa mga wa pay bakuna gikan sa mga tindahan ug kamerkadohan, gawas nga di makatabang di sab makiangayon. Wa pay 10% ang fully vaccinated sa mga Oponganon tungod sa kanihit sa bakuna gikan sa gobyerno.

 * * *

Bisan kon ang atensiyon sa Malakanyang tua sa Metro Manila ug Metro Davao, nga mao tingaling wa pa ipadang Special Action Force (SAF) sama sa nahitabo sa niaging tuig, nia nang tanang timaan nga Sugbo na say epicenter sa COVID-19 sa nasud:

•Sugbo nay kinadaghanan og bag-ong mga kaso sa nangaging mga adlaw;

• Nitidlom lang ang gidaghanon sa mga kaso sa mga adlaw nga wa ka-report ang pipila ka molecular laboratories sa rehiyon; ug

• Nagsugod nang paglinya sa mga ambulansiya sa mga ospital di pa maatiman ang mga pasyente.

 * * *

Labaw sa mga panghudlat, mas mapuslanon nga tutokan sa lokal nga mga opisyal uban sa Department of Health (DOH) ang pagpangita og mga paagi sa pagdugang sa swab testing, nga maoy makatultol hain ang tinakdanay ug makagiya unsaon pagbadlong dayon.

Ang pagburot sa positivity rate sa Sugbo ug Central Visayas ngadto sa 21% (sa ato pa, kapin sa usa sa kada lima ka swab samples ang positibo) maoy di malalis nga ebidensiya sa kakuwang sa testing.

 * * *

Gawas sa pagpalambo sa kapasidad sa mga laboratoryo, kapalapdan ang swab testing kon hingusgan ang contact tracing. Kay ang dinaliang pagsubay ug swab testing sa tanang close contacts sa positibong mga kaso ang moseguro nga mabuwag sila sa di pa makapanakod sa mas daghan.

Makapabalaka ang pag-angkon sa mga opisyal sa Cebu City nga gawas sa nurses sa Cebu City Medical Center wa sab masuweldohi ang contact tracers. Mas makapaalarma kay di monopoliya sa mga Sugbuanon ang problema. Hangtod karon ang nasudnong gobyerno wa katuman sa ilang dugay nang pasalig paghimo og 90,000 ka tests kada adlaw.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with