_freeman
^

Opinion

Nganong mas malampuson ang Vietnam

ARANGKADA - Leo Lastimosa - The Freeman

Niay laing pahinumdom nganong, bisan mas una silang nasudlan sa Delta variant niadtong Abril ning tuiga, mas malampuson ang gobyerno sa Vietnam sa pagbadlong sa COVID-19 kay sa pamunoan ni Presidente Rodrigo Duterte:

- Gi-lockdown sa Vietnam ang ulohang Hanoi dihang nagsugod pa lang sa pagsulbong ang gidaghanon sa bag-ong mga kaso; sa pikas nga bahin

- Ang Department of Health (DOH) sa Pilipinas niinsistir nga huwaton nila nga mopadayon pagsaka ang mga numero sa umaabot nga mga adlaw sa di pa morekomendar og bisan unsang lockdown sa bisan asang bahin sa nasud.

***

Kamo na lay timbang-timbang sa mga implikasyon sa mosunod nga mga numero:

- 70 ang bag-ong mga kaso sa COVID-19 sa Hanoi niadtong Biyernes, Hulyo 23; wa ra katunga sa 146 ka bag-ong kaso sa Cebu City sa samang adlaw;

- 4.8 milyones ang populasyon sa Hanoi, kalima pil-a ang populasyon sa Cebu City nga 964,169 (segun sa census sa Philippine Statistics Authority sa Mayo 2020).

Tarantando bang kadagkoan sa Vietnam? Mas kalma bang kadagkoan sa Pilipinas? Nganong mas malampuson ang Vietnam pagbalanse sa ekonomiya ug kahimsog sa publiko?

***

Posibleng katin-awan: Gipahamtang ang 15 ka adlaw nga lockdown sa Hanoi, nga gipahibawo sa tungang gabii sa Biyernes ug gisugdan dayon sa Sabado sa kadlawon, sa labing sayo nga kahigayonan human natino nga mas paspas kay sa naandan ang pagsulbong sa bag-ong mga kaso.

Ginamit ang mga pagtulon-an sa kapin na sa tuig nga pagduma sa pandemya, wa na magpaabot ang Vietnam nga mas daghan pang mangasakit ug mangamatay ug nga moawas ang ilang mga ospital.

***

Pinasikad sa malampuson nilang pagbadlong sa pandemya ug pagpalambo sa ekonomiya sa niaging tuig, kumbinsido ang kadagkoan sa Vietnam nga ang kadaot sa tunga sa buwan nga lockdown mas gamay kon pasagdan nga manghasi ang Delta variant nga mahimong mopaluhod sa ilang nasudnong ekonomiya.

Samang mga pagtulon-an makat-onan unta nilang Presidente Duterte ug kaubanan. Kon sama sa Vietnam nisandig pa sila sa siyensiya ug nagpagiya sa mga eksperto. Pero gitahan ni Duterte ang pagduma sa pandemya ngadto sa retiradong mga heneral, mga politico, ug mga negosyante. Samtang nitingob sa iyang atensiyon pagpanegurong di maposasan inigkahuman sa iyang termino.

VIETNAM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with