^

Opinion

Dihang nakapili ta og lider nga tarung

ARANGKADA - Leo Lastimosa - The Freeman

Tingali hilumon lang si kanhi Presidente Noynoy Aquino, o nalupig sa troll army ang panalipod sa iyang mga binuhatan, o wa tang kakita sa mas dakong hulagway kay labihang duola sa mga panghitabo, o makamatngon lang ta sa kabililhon sa usa ka tawo kon mawa na.

O tingali ang tanan sa ibabaw maoy nakapakugang nato sa kadaghan sa maayong mga kabilin sa unom ka tuig nga pamunoan ni Aquino. O tingali ang kalit niyang kamatayon maoy pabilo sa nasudnong pagmata nga may katuigan diay nga ang Pilipinas di sama kalang-og karon.

 * * *

Mao ni ang akong naamgohan samtang nagbasa sa pasidungog ni Motoo Konishi, country director sa World Bank (WB) sa Pilipinas sa 2012-2016, sa mga nahimo sa pamunoang Aquino nga gisagop sa WB ug gisunod na karon sa ubang kanasuran sa kalibotan.

Matod ni Konishi nakakita siya sa kalisod nga nahiagoman sa pamunoang Aquino sa paghunong sa pagtibugsok sa Pilipinas sa ilang pagbanos sa Malakanyang ug paghimo ini nga mas malinawon ug mas malambuon, mas takos nga nilaslas sa grabeng kakabos para sa mas sanag ugma sa katawhang Pilipinhon.

 * * *

Gilista ni Konishi ang pipila sa mga bunga sa kampanya batok sa pangurakot sa pamunoang Aquino:

Naibanan og 30% ang gasto sa mga kontrata sa Department of Public Works and Highways (DPWH) maong mas daghan ug mas maayong kalidad sa mga proyekto nga napatuman;

Nisulbong ang koleksiyon sa buhis sa way pagpahamtang og dugang buhis gawas sa sin tax; ug

7.7 milyones ka Pilipinhon ang nahaw-as gikan sa grabeng kakabos pinaagi sa 4Ps (Pantawid Pamilyang Pilipino Program), nga segun sa WB usa sa labing maayong pagkaduma sa tibuok kalibotan.

 * * *

Laing makapakugang nga gihimo sa pamunoang Aquino, nga gihulagway sa WB nga wa pa sukad mahimo sa Pilipinas ug ubang kanasuran: Hapit ma-triple ang budget sa Department of Health (DOH), Department of Education (DepEd) ug Department of Social Welfare and Development (DSWD).

Sa sunod higayon nga balikason na sab ni Presidente Duterte ang gisundang pamunoan, hinaot nga may makahunghong niya nga ang pagpalambo ni Aquino sa sistema sa pakigtambayayong sa multilateral banks maoy gipahimuslan sa Pilipinas karon sa pagpangutang para sa higanteng gastohan sa Covid-19.

BENIGNO AQUINO III

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with