_freeman
^

Daghang salamat, PNoy

ARANGKADA - Leo Lastimosa (The Freeman) - June 25, 2021 - 12:00am

(Kabos nga pasidungog sa nitaliwan nga Presidente Noynoy Aquino kining hubad sa panapos sa iyang kataposang SONA Hulyo 27, 2015.)

Gikan sa 2010 ngadto sa 2014, nitubo ang nasudnong ekonomiya og 6.2 porsiyento; kinapaspasan sa niaging 40 ka tuig. Kon pilion ang tanos nga agianan, mahimong maambasan ang gidayeg nga kanasuran.

Pero kon mobalik ta sa baliko nga dan, tungluhon ta sa pagpaabot sa wala. Mabiyaan na sab ta, ug ang malambuong ekonomiya maahat og kaputol.

 * * *

Ang pangutana: Nagsubay ba ta sa saktong dan? Kon motubag mo nga wa, mora mog niingon nga mas ganahan mo sa baliko nga dan. Kon mao, akong tahuron ang inyong kabubut-on ug magpakahilom. Pero kon ang imong tubag “oo,” padayon kong mosuporta ninyo. Bisan wa na ko sa katungdanan, hangtod sa kataposang ginhawa, makapaabot mong mounong ko ninyo, sa samang paagi nga niunong mo nako.

Akong mga agawon, ako moangkon: Di ko perpekto. Sa mga higayong nipatigbabaw ang kalibog, napakyas mi paghatag sa tukmang kasayuran. Mangayo ko sa inyong pagsabot.

 * * *

Makatutok hinuon ko ni bisan kinsa sa mata ug makasulti: Akong gihimo ang tanan pag-umol sa nasud nga mas makiangayon ug malambuon. Kasaysayan ang mohukom. Sama sa akong gihimo sa haya sa akong inahan, akong litukon ang mga pung sa 2 Timothy, Kapitulo 4, Bersikulo 7, “Nakigsangka ko sa makiangayong away, nahuman nako ang lumba, nagpabilin ang akong pagtuo.”

Akong mga agawon, nagsugod ta sa kangitngit. Wa kaseguro may kahayag ba sa tumoy sa langob. Karon, gisugat ta sa banagbanag sa kahigayonan. Nakakita mo sa kahabog nga atong naabot. Karon makasulti na ta sa kalibotan: “Makahimo ko. Makahimo ang Pilipino. Sinugdanan pa lang ni.”

 * * *

Oo: Sinugdanan pa lang ni sa nasud nga di kagawongan, nga iwag sa hustisya ug kaisog sa kalibotan. Sinugdanan pa lang ni sa kalamboan tungod sa atong paglingkawas sa pangurakot. Sinugdanan pa lang ni sa katilingban nga ang matag Pilipino nga maningkamot ug mohimo sa sakto garantisadong molampos.

Sinugdanan pa lang ni. Unang yugto sa bantogang sugilanon sa Katawhang Pilipino. Giniyahan sa Labawng Makagagahom, atong makab-ot ang mas bugtaw nga mga pangandoy. Atong ablihan ang mga ganghaan sa mas dagkong kalamboan. Ang atong padulngan naa sa inyong mga kamot.

NOYNOY AQUINO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with