_freeman
^

Delta variant ang babag ug lusot

ARANGKADA - Leo Lastimosa (The Freeman) - June 23, 2021 - 12:00am

Kon di drama ang engkuwentro nilang Presidente Rodrigo Duterte ug Cebu Governor Gwen Garcia, kay kadudahan nga labihan kamapanagan-on ang sinultihan sa presidente, lahi sa panghudlat batok sa ubang nisukwahi niya, ug wa ipanghimakak ni Garcia ang sulti sa Malakanyang nga iyang ideya ang pagpasimang sa international flights sa Mactan-Cebu International Airport (MCIA) ngadto sa Ninoy Aquino International Airport (NAIA), hapit na ni mahusay.

Nga di mauwawan ang presidente, di kapasanginlang nikakak si Garcia, ug magpabilin ang ilang alyansa pagsipong sa tulo ka milyon ka botante sa Sugbo sa 2022.

***

Gawas nga di direktang makasukol sa presidente, kay bisan lame duck na kapin pa sa tuig nga magtungkawo sa Malakanyang, si Garcia mabangga sa laing letrang “D:” Ang Delta variant nga unang nakit-an ug gibasol sa pagsulbong sa mga kaso sa India.

Ang pasyenteng mataptan sa Delta variant makatakod og hangtod walo, nga makatakod og hangtod 64, nga makatakod og hangtod 512, nga makatakod og hangtod 4,096, nga makatakod og hangtod 32,768. Sa pito lang ka hugna sa tinakdanay, mahimong kapin sa duha ka milyon nay mangasakit.

***

Malup-og sa kahadlok sa mas mananakod ug mas makamatay nga Delta variant ang tanang pangangkon ni Garcia sa lokal nga otonomiya, sa kamakiangayon sa mga Pilipinhon nga manguli gikan sa ubang kanasuran, ug sa paukyab nga nanalipod siya sa interes sa mga Sugbuanon.

Di siyang kapadayon og paugat pagpaluag sa testing ug quarantine protocols sa MCIA samtang ang hapit tanang kanasuran sa kaliboan mas nipahugot sa ilang panagang sa Delta ug ubang variants.

***

Pero ang Delta variant makahatag sab niya og lusot sa kauwawan nga di diayng katiwas sa away nga siyay nagsugod. Mahimo niyang suguon ang Cebu Provincial Board, nga gidominahan sa iyang mga alyado, pagbakwi sa ilang ordinansa. Di aron pagduko sa Inter-Agency Task Force (IATF) kon di aron pagpanalipod sa Sugbo gikan sa Delta variant.

Kay bisan sa iyang pagdupa sa tuob ug ubang pataka nga gipasangil sa siyensiya, si Garcia di andam nga mopalandong unsay mahitabo sa iyang politikanhong mga ambisyon kon ilawog ang mga Sugbuanon sa hulga nga mahimong molumos sa atong mga ospital ug mokalas og daghang kinabuhi.

GWEN GARCIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with