_freeman
^

Mga kumpisal ni Duterte

ARANGKADA - Leo Lastimosa (The Freeman) - June 20, 2021 - 12:00am

Sa di pa mangugat si Presidente Rodrigo Duterte ug iyang mga turutot nga way ebidensiya nga siyay nagsugo sa laktod nga pagpamatay sa kaliboan sa kampanya batok sa ilegal nga drugas, angay silang pahinumdoman sa pagkumpisal sa presidente sa iyang pagpasiugda sa extrajudicial killings.

Mahinumdoman dayon ang tulo ka higayon sa iyang pag-angkon: Una, sa pagpapanumpa sa iyang tinudlo nga mga opisyal niadtong 2018; ikaduha, sa iyang pangampanya sa Davao sa piniliay sa 2019; ug ikatulo, sa iyang diskurso batok sa mga rebeldeng komunista sa Mindanao sayo karong tuiga.

***

Atubangan sa nanumpa nga bag-o niyang gitudlo nga mga opisyal sa nagkalainlaing ahensiya sa gobyerno nga iyang gitapok sa Malakanyang niadtong Septiyembre 27, 2018, adlawng Huwebes, nideklarar si Presidente Duterte: "Ano kasalanan ko? Nagnakaw ba ako diyan ni piso? Did I prosecute somebody na pinakulong ko? Ang kasalan ko lang 'yung extrajudicial killings."

May mga pasangil nga sad-an sab ang presidente sa ubang mga atraso nga iyang gihisgutan. Pero ang interes sa International Criminal Court (ICC) sa The Hague mao ang iyang paghulga, pagdasig, ug pagsugo sa pagpatay sa mga biktima.

***

Sa iyang diskurso atol sa miting de avance sa iyang partido nga Hugpong sa Tawong Lungsod sa Davao City niadtong Mayo 10, 2019, adlawng Biyernes, niangkon si Presidente Duterte:

“Davao is in the forefront and only because we decided nga gisabot ko ninyo. Kay niadto pa man nang extrajudicial killing. Ang wa makaantos nganha, dili ang mga taga-Davao, mga pari, kay nakasabot sila. Kung dili, katong mga obispo nga naa sa mga elitista sa Manila.”

***

Sa iyang mensahe sa hinugpong nga national ug regional anti-communism meetings sa Cagayan de Oro City niadtong Marso 5, 2021, adlawng Miyerkules, niingon si Presidente Duterte: “Ang gobyerno dili perpekto. Ako, dili perpekto. Faults? Me? Plenty. Pero dili nang pangawat og kwarta. Naa lang ko’y mga parehas anang kaso, extrajudicial killing.”

Mahimong isalikway sa Malakanyang ang mga kumpisal sa presidente nga komedya ra. Di g’yud tingali siya seryuso kay katulo man niya balikbalika ang istorya. Mas daghan pang iyang kumpisal sa bangis nga mga krimen kon utingkayon ang tanan niyang sulti sa katuigan niya sa Davao ug Malakanyang.

ILLEGAL DRUGS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with