_freeman
^

Pamolitika imbes siyensiya

ARANGKADA - Leo Lastimosa (The Freeman) - June 12, 2021 - 12:00am

Lisod ipasabot nganong bisan sa pagsulbong bag-ong variants sa COVID-19 giawhag ang pagpaluag sa mga lagda sa quarantine sa mga pasahero sa international flights nga motugpa sa Mactan Cebu International Airport (MCIA). Mas makalibog nga nangu sa kampanya ang mga politiko ug mga abogado nga nakalimot nga wa silay alamag sa siyensiya pagduma sa pandemya.

Sa pikas nga bahin, ang atong silingang mga nasud nga pulos malampuson sa pagkontrolar sa mga kaso sa COVID-19 mas nipahugot pa sa pag-quarantine sa ilang mga molupyo nga mangabot gikan sa ubang kanasuran.

***

Sa wa pa masudli og pamolitika, ug sa wa pa moapil ang mga abogado nga nagpagamit sa mga politiko, gilalisan ang managlahi nga swab protocols sa Overseas Filipino Workers (OFWs) ug Returning Overseas Filipinos (ROFs):

- Gitakda sa Inter-Agency Task Force (IATF) ang swab test sa ikapitong adlaw human sa pag-abot; pero

- Gisugo ni Gobernador Gwen Garcia ang swab test sa adlaw sa pag-abot.

Ang mga lagda ni Garcia ug sa IATF pulos mas luag kay sa gipatuman sa ubang kanasuran tungod sa kabalaka nga mas mananakod ug mas makamatay ang bag-ong variants.

***

Gawas sa 21 ka adlaw ang quarantine period sa Singapore, Vietnam, ug ubang kanasuran sugod karong buwana, akong nalilian ang mosunod nga bag-ong mga lagda sa Hong Kong:

- Atol sa 21 ka adlaw nga compulsory isolation sa quarantine hotel, ipaubos ang mga pasahero og upat ka swab tests;

- Human sa quarantine, padayong panid-an ang panglawas sa pasyente sa mosunod nga pito ka adlaw; ug

- Compulsory swab testing sa ika-26 nga adlaw human sa pag-abot.

***

Kon siyensiya pa lay gigamit paghusay sa pagsupak ni Garcia sa IATF, nalikayan untang dugang kahasol sa OFWs ug ROFs sa pagpasimang sa international flights sa MCIA ngadto sa Ninoy Aquino International Airport sa niaging duha ka semana.

Pero pamolitika ang gipalabi ni Presidente Rodrigo Duterte. Nga maoy iyang gihimo sukad sa pagsugod sa pandemya. Mao nga samtang nakaabot nang ubang kanasuran sa second, third ug fourth wave sa COVID-19, gihulagway sa mga eksperto sa World Health Organization ang Pilipinas nga nagpabilin sa first wave kay wa pa nato mabadlong ang orihinal nga tinakdanay.

MCIA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with