^

Pabilin nga way klarong plano

ARANGKADA - Leo Lastimosa (The Freeman) - April 13, 2021 - 12:00am

Ug natinuod ang gikahadlokan sa labing dakong grupo sa mga doktor nga nitabang sa gobyerno sa pagbadlong sa tinakdanay sa COVID-19: Nausik lang ang duha ka semana nga Enhanced Community Quarantine (ECQ) sa Metro Manila ug kasilinganan nga mga probinsiya kay wa gihapon mahimo sa pamunoan ni Presidente Rodrigo Duterte ang mosunod:

• Pagtukod og unified health command nga moduma sa tibuok Metro Manila nga maoy kinadaghanan og bag-ong kaso; ug

• Pagbuwag sa mga nataptan sa kagaw ug sa tanan nilang close contacts sa di pa sila makapanakod sa mas daghan.

 * * *

Ang Healthcare Professionals Alliance Against COVID-19 (HPAAC) nipasabot nga ang lockdown igo lang nilangay pero wa kabadlong sa tinakdanay mao nga nagpadayon ang makapa-alarma nga pagsulbong sa bag-ong mga kaso nga nakapaawas sa mga ospital ug isolation facilities.

Ang HPAAC nga maoy nangayo og timeout ug nakapugos ni Presidente Duterte pagpahamtang og lockdown sa Metro Manila sa Agosto sa niaging tuig nipadayag og kasubo nga wa gihapoy klarong plano ang gobyerno unsaon pagtubag sa gamot nga mga hinungdan sa tinakdanay nga nakapasamot sa kalisod sa nasud ug sa katawhan.

 * * *

Matod sa HPAAC angayng hunungon na sa gobyerno ang pagpasangil sa katawhan nga way disiplina ug maoy hinungdan sa tinakdanay ug sugdan na ang pagpatuman sa mga panagang nga napamatud-an nang epektibo batok sa pagkatap sa kagaw.

Nisugyot sila nga paluagan ang mga sakyanang pamasahero, mga terminal, mga trabahoan, mga merkado ug ubang mga lugar nga tapokanan aron nga di mapugos ang katawhan sa pagpunsisok, sa ingon kalikayan ang kahigayonan sa tinakdanay.

 * * *

Gisubli sab ang ilang sugyot sa paghiusa, imbes sa gihimo karon nga pag-iyahay, sa contact tracing sa managsilingan nga mga syudad ug mga lungsod, pag-usab sa mga oras sa trabaho ug pagdasig sa mga trabaho nga mahimo sa mga pinuy-anan.

Mao ra ning mga sugyota nga giluwatan sa pagsugod pa sa pandemya kapin sa tuig nang nilabay. Kapait nga hangtod karon giisnab lang sa kinatas-an nga mga opisyal sa nasud. Nga hangtod karon nagpabiling kumbinsido nga molayas ang kagaw sa lockdowns, pagdakop sa way quarantine passes, ug sa way kinutoban nga mga pagarpar, mas maayong pun-on sa mga balikas ug bugalbugal.

COVID-19 ECQ
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with