^

Asa ang kinapaspasang pagsulbong

ARANGKADA - Leo Lastimosa (The Freeman) - March 4, 2021 - 12:00am

Gawas sa pagsubay sa gidaghanon sa bag-ong mga kaso, nigamit ang Department of Health (DOH) og laing sukdanan pagtultol sa nahimutangan sa labing makapaalarma nga pagsulbong sa mga kaso sa Covid-19: Kapaspas sa pagtubo sa mga kaso sa matag siyudad ug lungsod sa niaging duha ka semana.

Nagpakita ang kataposang taho sa DOH-Central Visayas og kausaban. Lahi sa nangaging mga adlaw nga mga lungsod sa Sugbo ang nidominar, upat na lang ka lugar sa Sugbo ang naapil sa listahan sa napu ka labing taas og tubo sa bag-ong mga kaso.

 * * *

Di hinuon angay nga tulisukon ang mga opisyal ug mga molupyo sa mga lugar nga naapil sa listahan. Kay ang kalit nga pagsulbong sa ilang mga kaso wa magpasabot nga nagkiat ug nagpabaya sila. Wa sab ni magpasabot nga sila nay bag-ong mga sentro sa pandemiya.

Naapil sila sa lista tungod sa kagamay sa ilang mga kaso sa nangaging mga buwan mao nga mas makapakugang ang mas daghan nilang bag-ong kaso. Gani, bisan ipunon pa ang ilang mga kaso, wa ra sa kumingking sa mga kaso sa Cebu City.

 * * *

Nag-una sa lista ang Oslob sa habagatang Sugbo kay nahiagom og 2,100% nga pagsulbong sa mga kaso sa Covid-19: Ang usa nila ka kaso tulo ka semana ang nilabay nadugangan og 22 ka kaso sa niaging duha ka semana.

Ikaduha sa lista ang Basay, Negros Oriental nga nakaangkon og 1,000% nga pagsaka sa bag-ong mga kaso: Ang ilang usa ka kaso tulo ka semana ang nilabay nadugangan og 11 ka bag-ong mga kaso sa niaging duha ka semana.

 * * *

Laing upat ka lungsod sa Sugbo nga naapil sa Top 10: Aloguinsan, 933% (ikatulo); Catmon, 900% (ikaupat); Argao, 344% (ikawalo); ug Santander, 300% (ikasiyam). May lima sab ka lungsod sa Bohol nga nalista: Loboc, 600% (ikaunom); Loay, 350% (ikapito); ug nagtabla sa ikasiyam ang Baclayon, Bilar ug Pres. Carlos P. Garcia, 300%.

Bugtong siyudad nga naapil sa Top 10 ang Tanjay sa Negros Oriental (ikalima) nga nahiagom og 633% nga pagsulbong sa bag-ong mga kaso: Ang tulo nila ka kaso tulo ka semana ang nilabay nadugangan og 22 ka bag-ong kaso sa niaging duha ka semana.

DOH
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with