^

Nisulbong na sang tinakdanay

ARANGKADA - Leo Lastimosa (The Freeman) - January 25, 2021 - 12:00am

Gawas sa padayon nga pagsulbong sa bag-ong mga kaso sa COVID-19 sa Sugbo ug Central Visayas, laing tinubdan sa kabalaka mao ang pagsaka sa gidaghanon sa nag-positibo sa mga gikuhaan og swab samples. Ang positivity rate maoy gitumbok sa World Health Organization (WHO) nga sukdanan unsa kamalampuson ang kampanya batok sa pandemya.

Alang sa WHO ang positivity rate nga 5% paubos maoy timaan nga inanay nang nabadlong ang pagkatap sa kagaw ug tinakdanay sa mga molupyo. Sa niaging semana, mas daghang adlaw nga labaw sa 5% ang positivity rate sa rehiyon.

 * * *

Nitaho ang Department of Health (DOH) niadtong Sabado, Enero 23, nga 6.2% ang positivity rate, 200 ang positibo sa 3,184 ka swab tests sa molecular laboratories sa Sugbo, Bohol, ug Negros Oriental. Ikaduha lang hinuon ni nga kinatas-an sa niaging semana. Niadtong Lunes, Enero 18, nag-positibo ang 109 sa 1,651 nga nakuhaan og swab samples.

Ang maayong timaan mao nga padayon sab nga nidaghan ang swab tests ug busa mas dako ang kahigayonan nga matultolan dayon ang mga masakiton sa di pa manakod sa mas daghan.

 * * *

Nagpabilin nga epicenter sa bag-ong mga kaso sa rehiyon ang Dakbayan sa Sugbo uban ang dul-an sa tunga sa tanang kaso (97 o 48.5%) niadtong Sabado. Ikaduha nga kinadaghanan mao gihapon ang Lalawigan sa Sugbo nga may 59 (29.5%).

Ikatulo ang Dakbayan sa Mandaue nga may 22 (11%), ikaupat ang Negros Oriental nga dunay 11 (5.5%), ikaupat ang Dakbayan sa Lapu-Lapu nga may siyam (4.5%), ug ikalima ang Bohol nga may duha (1%). Way bag-ong kaso ang Siquijor.

 * * *

Ang mga laboratoryo nga kinadaghanan og swab tests: Cebu TB Reference Laboratory (1,458 o 45.8%), Vicente Sotto Memorial Medical Center (783 o 24.6%), Gov. Celestino Gallares Medical Center (200 o 6.3%), Negros Oriental Provincial Hospital (158 o 4.9%),

Chong Hua Hospital (139 o 4.4%), Philippine Red Cross (137 o 4.3%), Biopath (84 o 2.6%), Cebu Doctors University Hospital (70 o 2.2%), UCMed (65 o 2%), ug ARC Hospitals ug PCA (managsamang may 41 o 1.3%), ug Perpetual Succour Hospital (6) (0.2%).

COVID-19
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with