^

Umaabot nga bakuna sa Sugbo

ARANGKADA - Leo Lastimosa (The Freeman) - January 19, 2021 - 12:00am

Nakabuylo na ang pagpanglista sa Sugbo sa mga negosyante nga mamalit sa bakuna sa Moderna. Gipasaligan sila nga moabot ang bakuna sa Mayo o Agosto karong tuiga. Ang presyo? $26 (P1,250) matag dose o $52 (P2,500) sa duha ka doses.

Segun sa mga gitahasan sa pagpanglista, gibahinan ang Sugbo sa 20 milyones ka doses sa bakuna sa Moderna nga komprahon sa Spanish-Filipino nga bilyonaryo nga si Enrique Razon, tag-iya sa International Container Terminal Services, Inc. (ICTSI), ang kalibotanong tagduma sa mga pantalan, gikan sa planta sa Moderna sa Espanya.

 * * *

Sa kataposang ihap, niabot na og dul-an sa 30,000 ka doses ang gipareserba sa mga negosyante sa Sugbo. Nga kasagaran nagplano nga molibre sa pagpamakuna sa mga kawani sa ilang mga kompaniya aron nga mahibalik na ang normal nilang operasyon.

Wa pa modawat og bayad ang mga nanglista. Unya na maningil kon may klaro nang petsa sa pagdunggo sa mga bakuna sa pantalan sa Sugbo. Nanghinaot sila nga mas sayo nga makaabot ang bakuna kay mahimong mas daghan nang kapilian nga mga bakuna sa mosunod nga mga buwan.

 * * *

Gawas sa pagpanglista sa ganahan nga mamalit, nahikay na sab ang uban pang panginahanglan sa hapsay nila nga pagpamakuna sa Sugbo:

- Nisugot na ang kinadak-an nga cold storage facility nga nahimutang sa Dakbayan sa Mandaue nga maoy butangan sa bakuna (gani, gikataho nga nipasalig ang mga tag-iya nga di magpabayad isip ilang tampo sa sayo nga pagbadlong sa tinakdanay sa COVID-19 sa Sugbo); ug

- May nasabot na sab nga pribadong tambalanan sa Dakbayan sa Mandaue nga mohikay sa tanang panginahanglan sa Department of Health (DOH) ug mohimo sa aktuwal nga pagpamakuna.

 * * *

Ang kasuod ni Razon ni Presidente Rodrigo Duterte nakakumbinser sa mga negosyante nga mapatuman ning iyang tampo sa paghimong mas sayo ug mas lapad sa pagpamakuna sa Pilipinas.

Apan ang National Task Force (NTF) sa COVID-19 ni vaccine czar Carlito Galvez may gikontrata na nga pribado nga kompaniya nga moduma sa pagpamakuna sa tibuok nasud, apil nang pagtukod og sistema sa paglista sa mga mabakunahan pagtino nga di magkaguliyang ug mahatagan ang mga labing nagkinahanglan og duha ka doses sa bakuna sa tukmang panahon.

COVID-19 VACCINE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with