Mga ahente sa rapid testing kits
ARANGKADA - Leo Lastimosa (The Freeman) - October 20, 2020 - 12:00am

Atubangan sa kalibog nga nitumaw sa antigen tests sa pipila ka bahin sa nasud--kay samtang giangkon nga malamposon sa mga mamaligyaay sa merkado sa Carbon sa Dakbayan sa Sugbo, gideklarar nga pakyas sa Dakbayan sa Baguio--dapiton nakong imong pagtagad sa pipila ka makahasol nga kasayuran:

Ang nagduso sa antigen tests sa Dakbayan sa Sugbo ug ubang bahin sa nasud mao ang samang grupo nga namugos niadto sa rapid test kits; ug

Ang mga opisyal nga nangangkon sa kalamposan sa antigen tests sa Carbon mao ra say nidayeg sa rapid mass testing sa Metro Cebu niadtong Mayo nga gibasol sa opisyal sa Inter-Agency Task Force (IATF) nga nakatampo sa pagsulbong sa atong mga kaso sa COVID-19.

 * * *

Ang bugtong kalainan sa antigen test nga giduso karon ug sa antibody test nga nabulilyaso niadto mao nga ang una, sama sa PCR test, ipasikad sa swab samples gikan sa lingagngagan sa pasyente samtang ang ikaduha ipasikad sa blood samples.

Apan ang World Health Organization (WHO) nideklarar sa antigen ug antibody tests nga pulos di kasaligan, mas daghan ang sayop kay sa sakto. Kay, lahi sa PCR nga makaila sa kagaw, ang antigen ug antibody tests igo lang makakita sa antibodies nga mahimo sang namugna sa kasarangang sip-on ug ubo, di sa SARS-Cov-2, ang kagaw nga mosangpot sa COVID-19 .

 * * *

Gitakda sa Memorandum 2020-0439 nga giluwatan ni Health Secretary Francisco Duque III niadtong Oktubre 6 ang mga limitasyon sa rapid antigen tests:

Mahimo lang gamiton kon kuwang ang kapasidad sa paghimo og PCR tests ug kon dinalian ang panginahanglan tungod sa pagsulbong sa mga kaso; ug

Masakiton nga close contacts nga positibo sa antigen test isipong positibo sa COVID-19, samtang ang wa sakit nga close contacts nga negatibo sa antigen test ipaubos sa PCR test.

 * * *

Sa ato pa, pinasikad sa lagda sa Department of Health (DOH), di angayng gamiton ang antigen tests sa mga mamaligyaay sa Carbon:

Di kuwang kon dili sobra nang kapasidad sa walo ka molecular laboratories sa Sugbo, gani ang Vicente Sotto Memorial Medical Center (VSMMC) nitanyag og libreng drive-thru ug walk-thru nga PCR tests; ug

Wa nay pagsulbong sa mga kaso sa Covid-19 sa Sugbo.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with