Gipalabing kapritso sa Kongreso
ARANGKADA - Leo Lastimosa (The Freeman) - July 12, 2020 - 12:00am

Bisan sa iyang simpatiya sa gidangatan sa ABS-CBN, labi na namong mga kawani nga mahimong makulban og kaldero, si Atty. Regal Oliva, presidente sa Integrated Bar of the Philippines (IBP) Cebu City Chapter, nipasabot nga hingpit ang gahom sa Kongreso paghatag og prangkisa sa mga sibyaanan ug busa di kahilabtan, bisan sa mga hukmanan, ang pagbasura sa among aplikasyon sa bag-ong prangkisa.

Nipadayag og kasubo si Oliva atol sa TV Patrol Central Visayas nga bisan wa mapamatud-i ang mga pasangil batok sa ABS-CBN, gipatigbabaw sa mayoriya ang ilang personal nga kahimangod.

***

Mao nga hasta ang gikahinaman unta nga pagtuki na sa Korte Suprema ugmang adlawa sa petisyon sa ABS-CBN alang sa temporary restraining order batok sa cease and desist order sa National Telecommunications Commission (NTC) wa nay kapuslanan.

Kay bisan libkason pa sa labawng hukmanan ang sugo sa NTC pagpawong sa tanang sibyaanan sa radyo ug telebisyon sa ABS-CBN di na ming kagamit sa among frequency ug transmitter kay gibalibaran na man sa House Committee on Legislative Franchises ang paglab-as sa among prangkisa nga napupos niadtong Mayo 4.

***

Pinahimuslan ang ilang hingpit nga gahom pagdason o pagbasura sa mga aplikasyon sa prangkisa, ang 70 ka kongresista nga gipasanginlang gigawongan pagpatak-om sa ABS-CBN, nisukwahi sa tanang nahipos nilang ebidensiya.

Gisalikway nila ang tanang dokumento nga pabor sa ABS-CBN nga ilang nakuha gikan sa BIR, PEZA, DOJ, DOLE, SEC, PCGG, MTRCB, ug KBP pinaagi sa pag-insistir nga silang mga sakop sa komitiba ang magbuot. Unsa man diay kapuslanan sa 13 ka public hearings nga nilungtad og kapin sa 100 ka takna?

***

Apan kon tinuod nga sila rang mga kongresista ang magbuot, nganong wa man ipatigbabaw ang orihinal nilang baruganan nga magpabilin sa kahanginan ang ABS-CBN bisan napupos nang daang prangkisa samtang gituki pang mga balaudnon sa bag-ong prangkisa? Nganong wa man dayona ang pasidaan nga sagpaon og contempt ang NTC?

Gawas nga nakalimtan, nibalitok pa g’yung mga kongresista sa ilang orihinal nga baruganan pinaagi sa pagpamugos nga pawngon sab ang TV Plus channels sa ABS-CBN og paghulga nga pasakaan og kaso sa Ombudsman ang NTC tungod sa kalangay sa pagpatuman ini.

ABS-CBN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with