Nganong way mass testing
ARANGKADA - Leo Lastimosa (The Freeman) - June 30, 2020 - 12:00am

Sukwahi sa pasigarbo nilang Cebu City Mayor Edgar Labella ug kaubanan, way mass testing sa COVID-19 nga napahigayon sa kabaranggayan sa dakbayan. Sa ato pa, di ni maoy hinungdan sa pagsulbong sa mga kaso. Wa mabadlong ang paspas ug lapad nga tinakdanay tungod sa kakuwang sa testing.

Kakuwang sa testing ang gitumbok sa World Health Organization (WHO) nga hinungdan sa taas nga positivity rate--gidaghanon sa mga nag-positibo sa COVID-19 sa tanang gikuhaan og swab samples. Sa kataposang ihap sa Department of Health (DOH), ang dakbayan maoy kinatas-an sa tibuok nasud.

* * *

Segun sa DOH, sa semana sa Hunyo 16 ngadto sa 24, kanus-a gibalik pagpaubos ang tibuok Dakbayan sa Sugbo sa enhanced community quarantine (ECQ), 33 ang nag-positibo sa COVID-19 sa matag 100 ka molupyo nga gikuhaan og swab samples, o 32.8% nga positivity rate.

Sobra ni sa upat ka pilo kon itandi sa 7.2% nga positivity rate (pito ang nag-positibo sa matag 100 nga gikuhaan og swab samples) sa Metro Manila nga may 16 ka dakbayan ug usa ka lungsod ug sa 6.8% nga positivity rate sa tibuok Pilipinas.

* * *

Gawas sa Dakbayan sa Sugbo, wa sab kapasar ang tibuok nasud sa giya sa WHO nga una libkason ang bisan unsang lockdown kinahanglan nga mapatidlom ang positivity rate ngadto sa 5% o mas ubos pa aron luwas nang tugotan ang mga panginabuhi ug patigayon.

Pinaagi lang sa mass testing, nisublisubli pagpasabot ang WHO, nga matultolan ang kagaw ug mabadlong ang pagkatap kon mabuwag gilayon ang mga natakdan gikan sa mas daghang molupyo.

* * *

Inay mo-insistir nga ang Dakbayan sa Sugbo maoy labing andam sa pandemiya, angayng ipahigayon nang mass testing aron pagbadlong sa mga kaso. Niangkon si Labella atol sa ilang panagsulti ni Konsehal Nestor Archival sa tulomanon ni Henry Omaga-Diaz sa Teleradyo nga nahutdan silag test kits sa wa pa mangabot silang Health Secretary Francisco Duque ug kaubanan sa niaging semana.

Apan ambot kinahanglang pangutan-on una ni Archival aron isulti ang kasayuran. Samang wa magtagad ang DOH pag-angkon nga nga wa pay mass testing hangtod karon tungod sa kakuwang di lang sa test kits kon dili hasta sa reagents, laboratoryo ug mga kawani.

MASS TESTING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with