_freeman
^

Ika-25 ug posibleng kataposang tuig

ARANGKADA - Leo Lastimosa (The Freeman) - June 12, 2020 - 12:00am

Ang dyAB, bisan napawong uban sa tanang sibyaanan sa ABS-CBN sukad niadtong Mayo 5 tungod sa sugo sa National Telecommunications Commission (NTC), motimaan sa iyang ika-25 nga anibersaryo karong adlawa, Hunyo 12, 2020, pinaagi sa espesyal nga sibya sugod sa alas-5 sa buntag hangtod sa alas-10 sa gabii sa Teleradyo Cebu sa SkyCable Channel 38, Facebook, ug YouTube.

Modapit mi nimo di lang sa pagtan-aw kon dili sa pagsalmot sa tanang kalihokan nga among giandam.

***

Labing mahinungdanong bahin maong Grand Halad sa Kapamilya pinaagi sa Zoom. Sa buntag, mapahimuslan ang: Libreng dental consultation uban ni Dr. Paz Belarmino (alas-8:30); libreng legal services uban sa IBP Cebu City Chapter (alas-9); libreng maternal health consultation uban ni Dr. Mitty Igana (alas-10); libreng seminar sa urban gardening uban ni Quian Ibarra (alas-10:30); ug libreng seminar pagnegosyo atol sa COVID uban ni Alice Uy (alas-11).

Sa hapon, maapilan ang: Unsaon paghimo og kanta sud sa 5 ka gutlo uban ni Atty. JT Benz (alas-2); unsaon pag-amuma sa mga hayop atol sa COVID uban ni Dr. Alice Utlang (alas-2:30); bloodletting atol sa COVID uban sa Philippine Red Cross (alas-3); libreng konsultasyon sa mata uban ni Dr. Jen Uy (alas-3:30); unsaon pagtahi og face mask ug sinina uban ni Lina Maniwang; ug pag-atiman sa mental health uban ni Dr. Sherryl Nuli.

***

May reunion sang Radyo Patrol reporters uban ni June Perez (alas-5 sa buntag), mga komentarista (alas-6 sa buntag), mga komedyante uban nilang Tiboy Astillo ug DJ Rick (alas-7:30 sa buntag) ug mga dramaturgo uban ni Jennyrica Vidad (ala-1 sa hapon); may Santos nga Misa uban ni Msgr. Ruben Labajo (alas-11:30 sa buntag), may Kumbira sa Kapamilya sa udtong tutok; ug tak-opang kalihokan sa panag-abot sa tanang nakatingog sa dyAB (alas-8 sa gabii).

Isal-ot sab namo ang pagsubasta sa espesyal nga mga butang sa mga kawani ug tigpaminaw sa dyAB nga ang halin alang sa Kusina Kapamilya nga modalit og init nga pagkaon sa mga gipanggutom tungod sa krisis. Mahimong mangayo sa link sa sibya sa Zoom pinaagi sa pagtawag, text, o chat ni bisan kinsa sa among kaubanan sa dyAB.

NATIONAL TELECOMMUNICATIONS COMMISSION
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with