Baratong alternatibo sa rapid test kits
ARANGKADA - Leo Lastimosa (The Freeman) - May 23, 2020 - 12:00am

Kay gitugotan na mang pagkaligo sa dagat sa mga gipaubos sa General Community Quarantine (GCQ), moawhag ming Joey Concepcion, presidential adviser on entrepreneurship, nga moadto sa kinadul-ang baybayon, maglungag sa bas ug ilubong ang iyang ulo.

Kon may nahibilin pang uwaw, di angayng ipakita ang iyang nawong human namasangil nga ang mga doktor nagsige lag panaway nga way nahimo sa kampanya batok sa COVID-19. Hinaot nakaamgo na nga ang kaabunda sa iyang tambag ug pagarpar di mapanghimakak sa pagrisgo sa kinabuhi sa mga doktor aron pag-atiman sa mga pasyente sa COVID-19.

***

Bisan nangayo na og pasaylo sa iyang pagpanamastamas sa mga doktor nga igo lang nipasidaan nga ang rapid test kits di makatabang kon dili makadaot hinuon sa kampanya batok sa COVID-19, niinsistir gihapon si Concepcion nga ang rapid test kits mao ray dag-anan sa pagpabangon pagbalik sa nasudnong ekonomiya.

Dihang gipangitaan duna bay mga pagtuon nga nakapakumbinser niya sa kakasaligan sa rapid test kits, si Concepcion igo lang nangangkon nga napamatud-an ang kamapuslanon sa rapid test kits kay gigamit hapit matag adlaw sa mga sakop sa Presidential Security Group (PSG).

***

Ang PSG maoy usa sa labing takos nga puwersa sa gobyerno sa pagpanalipod sa presidente, sa mga sakop sa iyang pamilya ug sa mga sakop sa gabinete. Apan sa kataposan namong pakisusi, wa maapil sa ilang katakos, samang di makapangangkon ang mga negosyante samang Concepcion nga naapil sa ilang kasuhito, ang pagpanagang sa misteryusong kagaw.

Sa pikas nga bahin, way makakuwestiyon sa kalapad sa mga pagtuon sa kahugpongan sa mga doktor ubos sa Philippine Medical Association, nga naglakip sa bantogang mga espesyalista sa microbiology ug infectious diseases, nga may mas kasaligang panagang sa COVID-19 kay sa rapid test kits.

***

Sa di pa magpa-ilad sa sindikatong nangompra og minilyon ka rapid test kits kay nagharab-harab sa dakong ginansiya kon ipamugos sa tanang trabahanteng mamalik sa trabaho, angayng angkunon sa mga negosyante nga mas dako ang kadaot sa ekonomiya kon ipatuman ang wa kinahanglanang pagtanggong sa tanang trabahante ug ilang close contacts nga mag-false positive.

Ug nga ang kinakusgang panagang sa tinakdanay sa mga trabahoan mao gihapong pag-face mask, safe distancing, ug pagsige og panghunaw.

RAPID TEST KITS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with