Mahimong mas pintas pa sa SARS
ARANGKADA - Leo Lastimosa (The Freeman) - January 28, 2020 - 12:00am

Mahimong way kapuslanan ang thermal scanners nga gipakatap sa mga tugpahanan sa Sugbo ug ubang bahin sa Pilipinas ug kalibotan kon tinuod ang pasidaan ni Chinese Health Minister Ma Xiaowei nga ang mga natakdan sa bag-ong kagaw sa Wuhan mananakod na bisan di pa mopakita og mga timaan sa sakit.

Mao ni nakahimong mas lisod sa pagbadlong sa pagkatap sa kagaw, mas paspas nga pagpanakod sa mas daghan ug sa kahigayonan nga makamugna og krisis nga mas grabe pa sa Severe Acute Respiratory Syndrome (SARS) 18 ka tuig ang nilabay.

* * *

Tungod sa kataas sa kutay sa pamakak sa China, nagduda ang mga eksperto sa bisan unsang pangangkon sa gobyerno:

• Dihang nipasalig ang China nga mas huyang ang bag-ong kagaw kay sa SARS ug nga kontroladong pipila ka kaso sa Wuhan, gipakita sa mga eksperto sa nagkalainlaing kanasuran ang ilang mga pagtuon nga mas daghan ang aktuwal nga natakdan; apan

• Dihang nipasidaan ang China nga makatakod nang kagaw atol sa incubation period nga hangtod sa 14 ka adlaw, nagdumili pagtuo ang mga eksperto hangtod nga makapakita ang China og mga ebidensiya.

* * *

Kon tinuod ang pangangkon sa mga doktor sa China nga nag-usab-usab ang bayhon ug kabangis sa bag-ong coronavirus, mahimong makapatuyang pagkatap ang kagaw kay:

• Ang pasyente way kasayurang natakdan na busa gawasnong mosagol sa ubang mga tawo kay di mailhan sa thermal scanners ug mga doktor ug nurses nga nagbantay sa mga tugpahanan ug pantalan; ug

• Ang ubang mga tawo labaw pang way ideya nga natakdan ug mananakod na usab sa mas daghan pa.

* * *

Makatabang ang pagsuspenso sa China sa tanang flights sa ilang mga turista paingon sa Sugbo ug Pilipinas ug ubang kanasuran, pagtak-op sa mga eskuylahan hangtod sa sunod buwan ug paglugway sa holiday sa Lunar New Year hangtod sa Domingo.

Panahon na bang suspensuhon sang mga biyahe sa mga ayroplano, mga barko ug ubang mga sakyanang pamasahero ug tak-opan sang mga eskuylahan ug ubang tapokanan sa daghang mga tawo sa ubang natakdan nang kanasuran? Nakapait sa maong pasidaan nga bisan sa tanang radikal nga mga lakang way garantiyang makontrolar nang kagaw nga unang nitumaw sa Wuhan duha ka buwan ang nilabay.

MA XIAOWEI
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with