Di pa andam motahan si Robredo
ARANGKADA - Leo Lastimosa (The Freeman) - November 18, 2019 - 12:00am

Naabtan ang Malakanyang og lima ka adlaw una nakapahibawo nga si Presidente Rodrigo Duterte nitudlo ni Bise Presidente Leni Robredo isip co-chairperson sa Inter-Agency Committee on Anti-Illegal Drugs (ICAD). Naabtan sab ang presidente og 10 ka adlaw una niluwat og bisan unsang sulti sa publiko mahitungod sa bag-ong katungdanan ni Robredo.

Kon kasarangan pa lang nga opisyal si Robredo, di g’yud unta modawat o nibiya na sa katungdanan. Kay gawas nga way klaro unsay iyang gahom, ang labing unang katin-awan sa presidente sa iyang pagkatudlo nanghulga gilayon pagpalagpot niya sa katungdanan.

***

Nagkabantang ang kamatuoran nga ang pagtudlo sa presidente ni Robredo mao lay pagpaundayon sa nahinaykan niyang paukyab sa labing uwahing pagsaway ni Robredo sa iyang kampanya batok sa ilegal nga drugas. Nisihag ni dihang wa damha nga gisuklan silang Robredo pinaagi sa pagdawat sa katungdanan:

•Human gitanyagan nga himuong anti-drug czar, gihimo na lang co-chair;

•Human gitanyagan nga palingkuron pagbalik sa gabinete, giingnan nga mahimong palingkuron apan mahimo sang di; ug

•Human gipasaligan nga siyay magbuot sa kampanya batok sa drugas, giklaro sa presidente nga siya gihapoy tinuod nga hawod.

***

Human gideklarar ni Presidente Duterte nga mahimo ra niyang patiran si Robredo bisan kanus-a, kinsa pa man ang mohatag ni Robredo og kasayuran nga maka-andam niya sa pagbanos sa pagduma sa kampanya batok sa ilegal nga drugas?

Ug human gibakwi ni Duterte nga iyang hingpit nga pagtugyan ni Robredo sa tahas pagsumpo sa drugas, nga iyang giangkon nga wa matuman sa kapin sa tulo ka tuig niyang pamunoan, kinsa pa mang opisyal o buhatan sa gobyerno nga mangahas pagtabang ni Robredo?

***

Ipakayab na bang Robredo ang puting toalya? Nagduda kong di siya motahan. Di taphaw si Robredo nga mobisto sa tinagoang kasayuran sa kampanya batok sa drugas. Sa unang bahin, ambot nakahigayon bang kapolisan paghunghong og mga sekreto niya taliwa sa pagsige nila og hagad niya pagpangu og aktuwal nga operasyon batok sa drugas ug pagpaundayon sa Oplan Tokhang.

Pinasikad sa pasiunang mga lakang ni Robredo, nagtuo kong ipadayon ang iyang nasugdan: Pagsusi sa tinuod nga hulga sa drugas; uban ang pagtuo nga ang unang lakang sa pagsulbad mao ang pag-ila sa suliran.

leo_lastimosa@abs-cbn.com

INTER-AGENCY COMMITTEE ON ANTI-ILLEGAL DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with