Lain nga dakong uminto sa lana
ARANGKADA - Leo Lastimosa (The Freeman) - September 16, 2019 - 12:00am

Mokulismaot ang dagway sa mga motorista ug mga pasahero ugma sa buntag inig patuman sa mga kompaniya sa lana sa managsama nga dagkong uminto sa presyo sa krudo, gasolina ug kerosene (kay nagkinopyahay gihapon sa ilang presyo hangtod sa kataposan nga usa ka dako human barawa sa korte ang sugo sa Department of Energy sa pag-detalye sa mga sukaranan sa ilang presyo).

Banabana nga uminto: P1.40 ngadto sa P1.60 matag litro sa gasolina; P0.70 ngadto sa P0.80 matag litro sa krudo; ug P0.90 ngadto sa P1.00 matag litro sa kerosene.

* * *

Gibasol nila ang dakong uminto sa mosunod nga mga hinungdan: Paghuyang sa peso atubangan sa Amerikanhong dolyar (nga maoy gibasehan sa presyo sa lana), nagpadayong tensiyon sa Middle East, kusog nga bagyo sa Carribean ug Estados Unidos ug hulga sa Organization of Petroleum Exporting Countries (OPEC) ug non-OPEC countries sa pagpatuman og mas dakong laslas sa produksiyon sa lana.

Napakyas sa pagpugong sa pagsulbong sa presyo ang nagkadako nga hulga sa pagluya sa kalibotanong ekonomiya ug sa nagkagrabe nga gubat sa patigayon tali sa China ug Estados Unidos.

* * *

May laing hulga sa mas dakong uminto sa presyo sa lana sa merkado sa kalibotan karong semanaha: Ang lima ka drone attacks nga nakapa-ulbo sa sunog sa sentro sa oil fields sa Saudi Arabia nga nakalaslas og katunga sa produksiyon sa gingharian, o hangtod sa 5.7 milyones ka baril sa lana matag adlaw.

Mga rebeldeng Houthi sa Yemen nga naka-igo na sa pipelines ug tankers sa Saudi sa nangaging mga semana niangkon og responsibilidad sa atake. Nga kon makapasamot sa tensiyon sa Saudi ug Iran gikabalak-ang mopaburot sa presyo og $10 (P104) matag baril.

* * *

Kon mopadayon pagsaka ang presyo sa lana sa merkado sa kalibotan mas dako ang tentasyon sa lokal nga mga kompaniya sa pagpahimus. Daghang salamat sa pagyango dayon sa mga korte sa ilang mga petisyon nga pugngan ang pagpatuman sa fuel price unbundling policy sa DOE.

Ang padayong pagtago gikan sa mga konsumidor pilay palit sa lana sa ubang kanasuran, pilay bayad sa shipping ug insurance ug pilay ginansiya mahimong maka-aghat sa mga kompaniya sa lana sa padayong pagkonsabo sa pagpaburot sa ilang ginansiya.

DEPARTMENT OF ENERGY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with