Nauwahi na nga pagsupak

Sa wala pa modiskurso sa dakbayan sa Naga sa habagatang Sugbo sa niaging semana nga supak diay siya sa pagsaulog sa ika-500 ka tuig nga sumad sa pagdunggo ni Ferdinand Magellan sa Sugbo nga nisangpot sa iyang kamatayon sa mga kamot ni Lapulapu sa Mactan, giaprobahan ni Presidente Rodrigo Duterte ang P117 milyones nga gahin (P17 milyones gikan sa iyang buhatan ug P100 milyones gikan sa 2020 budget) aron sa pagpatuman sa mosunod nga mga sugyot sa National Quincentennial Committee (NQC) nga gitukod pinaagi sa iyang Executive Order No. 55 pagtino sa kalamposan sa kalibotanon nga kalihokan:

• Quincentennial Songwriting Project: Nasudnong panagtigi sa mga kompositor nga ang walo ka labing maayong awit mahimong kabahin sa "National Quincentennial Commemorations Playlist." Pilion sab ang National Quincentennial theme song.

* * *

• Sug-an sa alas-7 sa gabii sa Disyembre 14, 2019 ang 21 ka landmarks pagsugod sa ihap sa 500 ka adlaw hangtod sa Abril 27, 2021, ang ika-500 nga anibersaryo sa Gubat sa Mactan. Ipabati sab sa publiko ang quincentennial theme song.

• Sa samang adlaw, Disyembre 14, banhawon ang mga balangay nga molawig gikan sa Butuan, ang karaang sentro sa patigayon sa ubang kanasuran, paingon sa nagkalainlaing bahin sa nasud hangtod sa 2021.

• Quincentennial Art Competition gikan sa Pebrero 2020 hangtod sa Mayo 2020.

* * *

• Magtapok sa Sugbo ang historians sa tibuok Southeast Asia pagtuki sa 16th century sa Southeast Asia.

• Paglusad sa National Volunteerism Day pagsugod sa 100 ka tuig nga ihap sa Abril 27, 2010 sa tulo ka landmarks sa Sugbo, Manila ug Davao.

• Pag-abli sa Philippine Pavilion sa 2020 Dubai World Expo gikan sa Oktubre 2020 hangtod sa Abril 2021.

* * *

• Pag-abli sa Museum of Philippine Early History sa Butuan City nga mosugod sa 100 ka adlaw nga ihap hangtod sa Abril 27, 2021.

• Kalibotanong tigom gikan sa Marso 16 hangtod 19, 2021 sa Philippine International Conference Center (PICC) pagtuki unsay nahitabo ni Magellan ug sa iyang mga tripulante sa Sugbo.

• Sa Abril 27, 2021, adlaw sa kalibotanong kasaulogan, idungan pag-isa ang mga bandila sa makasaysayanon nga mga dapit sa nasud, inugurahan ang "Quincentennial National Park," himuon ang civic-military parade, ug ang Lapu-Lapu City mobanhaw sa Gubat sa Mactan.