Nakabangga og higante
ARANGKADA - Leo Lastimosa (The Freeman) - September 12, 2019 - 12:00am

Daghan ang nahibung sa pangangkon sa mga polis nga naabtan sila og walo ka buwan pagtino nga ilegal ang operasyon sa nagpatuong Business Process Outsourcing (BPO) company nga nipakyaw sa tibuok building sa Mactan, Lapu-Lapu City. Kay di kinahanglang maniktik sa mainland China una makatimaho sa kalapasan nga ilang gipasangil sa Xin Huang Jin Chen Co., Ltd., Inc. (XHJC).

Wa magtago sa ilang operasyon ang XHJC. Dugay nang nagreklamo ang mga Oponganon nga mora nang Hong Kong ang Mactan Newtown kon manggawas ang langyawng mga trabahante matag Domingo.

* * *

Apil sa mga ebidensiya sa mga polis mao ang ilang pagpusta online sa XHJC pagmatuod nga nagnegosyo ni isip offshore gaming operator. Nga alang nila wa maapil sa accreditation sa kompaniya isip Costumer Relations Service Provider gikan sa Offshore Gaming Licensing Department sa Philippine Amusement and Gaming Corp. (PAGCOR).

Gitataw ni Police Colonel Lito Patay, hepe sa Criminal Investigation and Detection Group sa Central Visayas (CIDG-7), nga di makiangayon ang operasyon sa XHJC sa uban nga Philippine Offshore Gaming Operators (POGO) nga may mga permiso ug nagbayad sa tukmang buhis.

* * *

Wa molalis sa mga ebidensiya sa mga polis ang kadagkoan sa XHJC nga wa gani pakita atol sa imbestigasyon sa piskaliya niadtong Martes. Apan niinsistir ang ilang abogado nga si Jeff David nga duna silay mas gamhanang certification gikan ni PAGCOR Chairman ug Chief Executive Officer Andrea Domingo.

Nga ang tanang operasyon sa Tower One, Plaza Magellan (ang building nga gi-okupahan sa XHJC) sa Mactan Newtown may pagtugot sa PAGCOR ug busa makahatag og serbisyo sa POGO.

* * *

Nipasabot ang mga polis nga gihimo nila ang ronda aron pagpatuman sa sugo ni Presidente Rodrigo Duterte batok sa ilegal nga sugal. Apan ang presidente dapig sa POGO ug labaw nang bilib sa PAGCOR nga iya pa ganing gidasig atol sa SONA niadtong Hulyo nga magpasiugda pa og dugang sugal aron nga mas modako pa ang ilang kita.

Lima na ka adlaw human sa ronda sa CIDG, way ek ang PAGCOR ug ang Malakanyang. Mapasalamaton ang presidente ni Domingo apan suod sab niya si Patay. Mahitungod na gani sa China, mas mahinungdanon kay sa balaod ang sentimento sa presidente.

BUSINESS PROCESS OUTSOURCING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with