Mga kapilian sa baha
ARANGKADA - Leo Lastimosa (The Freeman) - July 11, 2019 - 12:00am

Sa ilang pag-atubang sa lapad nga mga baha sa pagbunok sa uwan, silang Cebu City Mayor Edgar Labella ug ubang lokal nga mga opisyal sa Metro Cebu may tulo ka kapilian: Mosunod ni kanhi Mayor Tommy Osmena nga way gihimo; o mosunod ni Cebu City Vice Mayor Mike Rama nga kutob ra sa istorya; o maghimo og tukma nga mga lakang pagsulbad sa suliran.

Ang ilang saad sa pagtuon ug pag-umol og malukpanon nga plano batok sa baha mahimong wa lang gihapoy kapuslanan. Sama sa nahauna nga mga pagtuon niadtong 1983, 1995 ug 2007. Kon kutob ra gihapon sa papel ug di gyod mapatuman.

* * *

Tungod sa pangiyugpos atubangan sa baha sa niaging upat na ka dekada, nisamot kamakalilisang ang mga baha sa Dakbayan sa Sugbo:

Nadugangan ang mga dapit nga kanunayng bahaan gikan sa siyam niadtong 1983, nisulbong ngadto sa 127 sa 1995 ug niburot pa gyod ngadto sa 175 niadtong 2001; ug

Nisulbong sab ang gibanabanang gasto sa pagpatuman sa drainage master plan gikan sa P2.4 bilyones niadtong 1995 ngadto sa P10 bilyones niadtong 2016 ug ambot pila na karon.

* * *

Inay ipatuman ang komprehensibong mga pagtuon, gipili sa nangaging mga pamunoan ang taphaw nga mga proyekto nga inutil sa baha, sama sa paghimong mas dagko sa mga imburnal ug paghawan sa mga basura sa mga sapa ug kanal. Nahadlok silang mohikap sa mosunod nga mga rekomendasyon:

Gawas nga palawoman, palapdan ang mga sapa ngadto sa 30 ka metro; ug

Pagbalhin sa mga molupyo ug pagguba sa buildings nga nitungtong sa mga sapa ug mga kanal.

* * *

Inay mangayo og tabang sa nasudnong gobyerno o mo-anam-anam og gahin kutob sa maabot nga pundo matag tuig aron lang unta masugdan nang komprehensibong mga proyekto, ang nangaging mga pamunoan nidiretso og balibad nga way kuwarta.

Apan ang pait nga kamatuoran mao nga puti sila og kiting: Mahimong ibalhin ang kabos nga mga molupyo sa mas luwas nga relocation sites, apan imposibleng matandog ang adunahang mga negosyante nga nagtukod og buildings sa mga sapa ug mga kanal kay maoy dako kaayo og amot sa ilang kampanya. Atong atangan unsa ang matang sa liderato nilang Labella ug kaubanan.

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with