Nabisto na asa nakapusta
ARANGKADA - Leo Lastimosa (The Freeman) - July 10, 2019 - 12:00am

Nganong gitan-ogan man sa Malakanyang og kapin sa duha ka semana ang sangpotanan sa hinugpong nga imbestigasyon sa Philippine Coast Guard (PCG) ug Maritime Industry Authority (MARINA) sa pagbangga sa barkong panagatan nga Gem-ver 1 sa Recto Bank sa West Philippine Sea?

Kuwestiyonable nang daan nga wa dayon ipagawas ang kinatibuk-an nga resulta, mas malisyuso pa g’yod nga ang giuna-una sa pagpahibawo mao ra ang mga bahin sa imbestigasyon nga nipabor sa nakabangga nga barko nga giangkon na sa China ug makadaot sa 22 ka Pilipinhon nga mga mangingisda.

***

Mas makapabalaka kay sa pagtago sa pamunoan ni Presidente Rodrigo Duterte sa sangpotanan sa imbestigasyon ug mga rekomendasyon sa PCG ug MARINA niadtong Hunyo 20 ang pagpangiyugpos lang nila inay mohimo dayon og tukma nga mga lakang sa pagpaningil sa mga responsable sa katalagman nga diriyot mokutlo sa kinabuhi sa 22 ka Pilipinhon.

Napamatud-an sa mga imbestigador nga barko g’yud sa China ang nakabangga, nga nakakita g’yud ang mga tripulante sa nakabangga nga barko sa pagkalunod sa Gem-ver 1 ug nga gibiyaan sa mga langyaw ang mga Pilipinhon nga nameligro sa kalaworan.

***

Apan ambot unsa ang nasud sa iyang bakukang, ang gipahibawo ra ni Foreign Affairs Secretary Teddy Boy Locsin mao ang kahigayonan nga sad-an sab ang Pilipinhon nga mga mangingisda. Klaro nga iyang gibasehan ang nahibaw-an sa mga imbestigador nga:

•Way gidestino nga tigbantay sa wa pa mangatug ang mga tripulante;

•Way lisensiyado nga chief engine officer ang barko;

•Overloaded ang barko; ug

•Wa malab-as ang rehistrasyon sa barko sa Bureau of Fisheries and Aquatic Resources.

***

Si Locsin, sama ni Presidente Duterte, labihang paspasa nga nakatulisok sa Pilipinhong mga mangingisda apan labihang luyaha nga makatuki sa responsibilidad sa taga China. Kuwang na lang nga duphan ang taga China ug balikason nga mirisi nga nabanggaan ang mga Pilipinhon.

Ug paghukas sa tanang pagpaka-aron-ingnon asa sila nakapusta, gisalikway ni presidential spokesman Salvador Panelo ang mga awhag nga mopasaka dayon og mga kaso pinasikad sa imbestigasyon sa PCG ug MARINA aron nga di mahuyang ang pagpanalipod sa atong nasudnong teritoryo pinaagi sa pag-ingon nga paabuton una nila ang resulta sa buwag nga imbestigasyon sa China.

leo_lastimosa@abs-cbn.com

PHILIPPINE COAST GUARD RECTO BANK
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with