Paglahutay sa mga pagsuway
ARANGKADA - Leo Lastimosa (The Freeman) - May 4, 2019 - 12:00am

Atubangan sa daghang pagsuway nga nahiagoman sa mga sakop sa media --gipasanginlan nga apil sa plano sa pagpalagpot sa presidente dinhi sa ato, kaaway sa katawhan sa Estados Unidos, ug espiya sa mga langyaw sa China ug Russia-- gipahinungdan sila sa sibaw nga kalibotanon nga awhag sa pagtuyhad, pagpalig-on sa ilang lutahan ug sa maisugon nga pagbarug batok sa nagkalainlain nga bayhon sa pagpanghasi.

Gipahinumdoman sab ang mga sakop sa media sa paggamit sa ilang dakong gahom, nga labing gikinahanglan sa bag-ong panahon, sa pagbatok sa mga bakak ug pangabuso sa gobyerno.

* * *

Nagbuntaog ang tentasyon sa pagduko ug pagpaundayon. Kay kon mas hawod ang kontra, mas sayon man ang pagpabahag sa ikog kay sa pagsukol. Sama nga kon may pintas nga bagyo, mas luwas man ang paghupo kay sa pagsungsong. Labi na kon ang labing dagko nga nagtungkawo sa gahom mao ang manghudlat.

Kay unsa man tinuod ang dag-anan sa mga sakop sa media? Kon ang pangu na sa nasud, nga labihang taasa og popularidad ug mas taas pa g’yud og bilib sa iyang kaugalingon, mao ang manulisok ug mamalikas nila?

* * *

Sa pagbanos sa bag-ong pamunoan tulo ka tuig ang nilabay, gitumbok nila ang mga durugista nga mao ang labing dagkong kaaway sa republika. Gibaharan nga hingpit nga papason sud lang sa tulo ka buwan.

Apan pila na ka tulo ka buwan ang nangligid, nikumpisal na gani sa Korte Suprema nga kapin na sa 20,000 ang nangamatay hangtod niadtong 2017, nagpabiling gawasnon ang drug lords ug nagbaha ang suplay sa drugas. Ug karon ang media na maoy giisip nga labing dakong hulga.

* * *

Apan bisan sa ilang kagamay may dag-anan g’yud tingali ang mga sakop sa media. Labi na kon abagan sa nagpakabana nga mga hut-ong sa katilingban ug sa kinabag-an sa mabuot nga katawhan.

Tan-awa unsa ang nahitabo sa labing uwahi nilang panamastamas dinhi sa ato. Human giwarawara ang matrix nga gikan mismo sa presidente pinasikad sa kasayuran gikan sa langyawng nasud ug busa angay nga tuohan kay di mamakak ug busa kasaligan ang presidente, karon gibakwi na nga gipasa ra diay gikan sa wa mailhing tinubdan ug busa di diay nila kapamatud-an.

MEDIA
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with