P50M nga buhis sa mga tuki
ARANGKADA - Leo Lastimosa (The Freeman) - February 14, 2019 - 12:00am

Nagpabiling malaumon ang Munisipyo sa Oslob nga di sila mapugos sa pagbayad sa dakong buhis nga gipaningil sa Bureau of Internal Revenue (BIR) gikan sa kapin sa milyon ka pesos matag adlaw nilang kita sa lokal ug langyaw nga mga turista nga manan-aw ug molangoy uban sa mga tuki o whale shark sa kadagatan sa Barangay Tan-awan.

 

Nipahibawo si Mayor Jose Tumulak sa Oslob nga ang mga abogado sa Kapitolyo maoy nanalipod nila atubangan sa BIR ug karong bag-o sa Commission on Audit (COA), nga gipananghiran sa BIR aron makakolekta sa P50 milyones nga utang nilang buhis niadto pang 2012.

***

Wa mapatuman ang pagsuway sa BIR sa pagsakmit sa mga deposito sa bangko sa Oslob aron makabayad sa buhis kay nagahin na man ang kuwarta alang sa mga proyekto ug sa mga suholan ug mga benepisyo sa mga opisyal ug mga kawani sa munisipyo.

Maong gipasabot sa BIR ngadto sa COA nga ang kolektahunon nga buhis natino human sa pakisusi nga nisubay sa mga lagda. Masaligon si Atty. Jose Hector Baronda, pangu sa Legal Division sa BIR dinhi sa atong rehiyon, nga 95% na ang kahigayonan nga tugotan sila sa COA sa pagkolekta sa buhis, nga ang labing dakong bahin mao ang nagsapaw-sapaw nga mga multa sa niaging pito na ka tuig.

***

Nitataw hinuon si Tumulak atol sa Arangkada sa DYAB Abante Pa, Bisaya! nga kon mapilde sila sa COA hutdon nila ang tanang mga paagi ubos sa balaod pagpanalipod sa ilang baruganan nga di kasarangang negosyo ang ilang gipasiugdahan nga angayng buhisan.

Matod ni Tumulak mahimo sab silang mohangyo sa BIR nga papason na lang ang dagkong multa ug nga mo-anam-anam lang sila og bayad aron nga di mahikawan sa batakan nga mga pangalagad ang mga molupyo sa Oslob.

***

Nikumpisal si Tumulak nga igo lang niyang napanunod ang problema gikan sa kanhi mayor nga si Ronald Guarin. Kansang pamunoan giingong nasakpan sa BIR nga wa moluwat og opisyal nga mga resibo sa unang mga buwan sa pagpabayad sa mga tuki.

Ug gipasanginlan sab nga nagyaka sa ilang katungod ug wa molalis sa gipahamtang nga buhis hangtod nga uwahi nang tanan. Kay nangolekta nang BIR.

leo_lastimosa@abs-cbn.com

BIR
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with