^

Idolo sa pamintaha

ARANGKADA - Leo Lastimosa (The Freeman) - April 26, 2018 - 12:00am

Human nakapasaka sa iyang certificate of candidacy (CoC) pagka mayor sa lungsod sa Sta. Monica sa Isla sa Siargao sa Surigao del Norte, nisakay dayon si Rosalinda Penera sa sadya nga motorkada uban sa iyang mga kandidato pagka konsehal pagpahibawo sa mga botante sa ilang pagdagan.

Apan may gamay siyang sipyat. Nag-motorkada sila sa Marso 29, 2007, ang kataposang adlaw sa pagpasaka sa mga CoC. Wa pay campaign period nga gitakda sa Commission on Elections (Comelec) nga magsugod sa Marso 30, 2007. Maong bisan nidaog sa piniliay ug nakalingkod na sa munisipyo, gipalagpot siya sa Comelec tungod sa premature campaigning.

***

Nauwaw si Penera apan gikuwestiyon niya ang legalidad sa sukaranan sa Comelec ubos ni kanhi Chairman Benjamin Abalos sa pagtaktak niya: Ang Section 80 sa Omnibus Election Code nga nagkanayon, "It shall be unlawful for any person, whether or not a voter or candidate … to engage in an election campaign or partisan political activity, except during the campaign period."

Human sa duha ka tuig, gipaboran sa Korte Suprema si Penera sa desisyon nga sinuwat ni Associate Justice Antonio Carpio. Maong sukad sa 2009 di na kasilot ang Comelec sa premature campaigning. Di mabasol ang mapahimuslanong mga politiko nga bilib kaayong Penera.

***

Dihang nibanos sa Comelec si kanhi chairman Andres Bautista niadtong 2015, giawhag niya ang Kongreso sa pagpasar og balaudnon nga mohimong krimen ang premature campaigning. Apan way senador ni kongresista nga naminaw niya.

Ambot linga ba lang sa mas dinalian nga mga balaudnon. O wa silay kalainan ni Penera nga ganahang mamintaha sa pagpangampanya bisan wa pay campaign period.

***

11 ka tuig human sa makauuwaw nga kalapasan ni Penera sa mga lagda sa piniliay, nagpabilin ang nangalisbo nga eskandalo: Mapatuman lang ang mga lagda sa Comelec atol sa campaign period; apan makahimo ang mga politiko bisan unsay ilang gusto, apil nang paglapas sa gasto ug gidak-on sa campaign materials, sa wa pay campaign period.

Kataposan namong susi, si Penera gihapon ang mayor sa Sta. Monica. Apan bag-o lang siyang gipasakaan og kasong pagpangawkaw ni Ombudsman Conchita Carpio-Morales. Kay wa pa diay maleksiyon: Nipalit og luna nga balor og P980,000 nga way pananghid sa Sangguniang Bayan.

leo_lastimosa@abs-cbn.com

COC
Philstar
  • Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with