Komisyon ni Marcos
THE EAR - Leo Lastimosa (The Freeman) - January 26, 2017 - 12:00am

Ang Agrava Board, nga maoy kopyahon ni Presidente Rodrigo Duterte sa pagtukod og komisyon nga moabli pagbalik sa imbestigasyon sa Mamasapano encounter, wa mahuman dayon sa ilang pakisusi ug wa makalingkawas sa mga kontrobersiya.

Naabtan og tuig ang imbestigasyon, uban ang 20,000 ka pahina sa mga testimoniya gikan sa 193 ka saksi. Tungod sa panagsungi sa mga sakop, di usa kon dili duha ka resulta ang ilang gipagawas: ang Minority Report nga hinimo sa nag-inusara nga pangu ug ang Majority Report gikan sa upat ka sakop.

***

Si Board Chair Corazon Agrava, retiradong huwes sa Court of Appeals, nihukom nga military conspiracy ang nakapatay ni kanhi senador Ninoy Aquino niadtong Agosto 21, 1983. Apan iyang gi-absuwelto si AFP Chief Fabian Ver, nga gituohang resulta sa pamugos ni kanhi presidente Ferdinand Marcos.

Ang mas isog nga Majority Report, nga gisumiter nilang Luciano Salazar, Dante Santos, Ernesto Herrera ug Amado Dizon, nilambigit sa mga sinaligan ni Marcos nga silang Ver, Heneral Luther Custodio, hepe sa seguridad sa Manila International Airport, ug Heneral Prospero Olivas, pangu sa AVSECOM.

***

Ang Agrava Board ikaduha na hinuong pagsuway ni Marcos pagpakalma sa krisis sa kamatayon ni Aquino. Una niyang gitukod ang Fernando Commission nga gipangulohan ni Chief Justice Enrique Fernando ug upat ka retiradong mahistrado sa Korte Suprema. Apan ni-resign siya human gikuwestiyon ang iyang pagkatudlo atubangan sa korte.

Nibalibad si Arturo Tolentino pagpuli ni Fernando. Kaduha ra magkatagbo ang komisyon tungod sa sibaw nga pagsaway sa publiko. Maong napugos si Marcos pagtukod sa mas katuohan nga Agrava Board niadtong Nobyembre 3, 1983.

***

Sa 1985, 25 ka sundawo, apil ang mga heneral ug mga koronel, ug usa ka sibilyan gikiha sa kamatayon ni Aquino. Girelibohan ni Marcos si Ver, gipulihan ni Heneral Fidel Ramos, apan gibalik dayon sa puwesto human gi-absuwelto sa Sandiganbayan niadtong Disyembre 2, 1985.

Human napalagpot si Marcos sa 1986, nakonbikto ang mga sinumbong ug gipapriso sa tibuok kinabuhi. Niawhag ang mga sinumbong pag-iban sa ilang sentensiya ug nipasangil nga gisugo sila ni Marcos ug ni kanhi embahador Danding Cojuangco. Pagligid sa katuigan, may mga nakonbikto nga gipasaylo, giibanan ang sentensiya ug nangamatay sa prisohan.

leo_lastimosa@abs-cbn.com.

ARANGKADA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with