May Asim pa si Lolo Para sa Ka-forever
Dear Vanezza,
Balo na ako ng apat na taon mula nang mamayapa si misis. Bale ba ay 56 years old na ako na may sariling tindahan ng prutas. Mayroon akong nililigawan na 34 years old na balo rin at mayroong dalawang anak. Ayaw na raw niya sa lalaki dahil nananakit gaya ng kanyang mister noon. Pangako ko naman sa kanya na kahit pitik ay hindi ko siya gagalawin. Hindi naman ako mayaman, pero kaya ko silang buhayin na may pagmamahal at respeto. Kailan ko kaya masusungkit ang oo ng aking nililigawan? - Tatay Pampi
Dear Tatay Pampi,
Maging masugid po kayo sa inyong panliligaw. Maging tapat sa inyong hangarin at malay n’yo ay makuha ninyo ang kanyang tiwala at maging ng mga anak niya. Kung pangangatawan niya ang desisyon na maging single ay respetuhin po ninyo. Maghanap ng iba na magmamahal at magtitiwala sa iyo.
Sumasainyo
Vanezza
- Latest
