Kaso sa COVID-19 hayan moabot pa sa 30,000
CEBU, Philippines — Hayan moabot pa sa 20,000 ngadto sa 30,000 ka kaso sa coronavirus disease sa Sugbo hangtud sa tapos sa buwan sa Hulyo.
Kini base sa pagbana-bana sa University of the Philippine Research team kung lugakan ang mga gipatuman nga quarantine measures sa siyudad.
Ang UP Research nagkanayon nga ang siyudad adunay 3,400 ka kaso sa COVID-19 niadtong Hunyo 8 apan niabot kini sa kapin sa 6,400 hangtud sa Hunyo 25.
Ang pagpaubos pagbalik sa enhanced community quarantine sa siyudad niadtong Hunyo 16 nagpakita nga dunay pag-ubos sa kaso sa COVID-19 diin sa Hunyo 30, ang siyudad nakatala og 8,660 ka kaso nga mas ubos sa pagbana-bana sa UP nga 11,000 ka kaso.
“Assuming a continued decrease in transmissions due to ECQ, this projects to 15,000 cases in the province of Cebu (including Cebu City) by July 31,” matud sa labing ulahing pagbana-bana sa UP.
“If quarantine measures are relaxed, we could see a surge of 20,000 to 30,000 cases in Cebu by July 31,” dugang sa UP.
Sayo niini si Inter-Agency Task Force on Emerging Infectious Diseases chief implementer Sec. Carlito Galvez niingon nga ang istriktong mga lagda gikinahanglan sa Siyudad sa Sugbo hinungdan nga gilugwayan ang ECQ status hangtud karon. The Freeman/GMR
- Latest
