Camomot ‘Positio’ giaprubahan sa Roma
Mitchelle Palaubsanon (The Freeman) - July 6, 2020 - 12:00am

CEBU, Philippines — Ang Congregation of the Causes of the Saints sa Roma miaprubar sa “Positio” alang Archbishop Teofilo Camomot upat ka buwan human kini giduso didto kanila niadtong bulan sa Marso.

Nalatid sa 522-pahinang Positio ang mga bayanihong buhat sa Sugboanong Arsobispo. Kalakip niini ang mga testimonya sa 45 ka mga testigo, mga sinuwat nga dokumento kabahin ni Camomot,  ang iyang official biography, mga panahom nganong kinahanglang himuong usa ka santo si Camomot sa Simbahang Romano Katoliko.

"The weakness of God is when we kneel down in prayer. We really thank the Lord that after four long years of preparing the documents, the Positio of our founder, Archbishop Teofilo Camomot, God has now granted our prayers," sumala pa sa pamahayag ni Mother Superior Loulella Grace Buscato sa Daughters of Sta. Teresa (DST), ang kongregasyon nga gitukod ni Camomot.

"I would like to thank the team of DST sisters who worked with me in working on the documents and those who have helped us in one way or another," matud ni Buscato.

Lakip sa iyang gipasalamatan si  Fr. Mhar Balili kinsa maoy nangulo sa paglihok sa kawsa aron mamahimong usa ka santo si Camomot gikan pa sa pagsugod, ug ingon man kang Father Samson Silloriquez, ang postulator of the cause, sa iyang suporta ug paggiya samtang gihimo ang Positio hangtud sa pagduso niini ngadto sa Roma.

Botaran

Tungod kay giaprubahan sa kongregasyon ang Positio, iduso na kini ngadto sa mga cardinal aron sa botaran kun ipadayon ang kawsa. Kun mobotar sila pagkatudlo santo kang Camomot, maghimo sila og rekomendasyon ngadto sa Santo Papa aron ideklarar si Camomot nga "Venerable" o nagpasabot nga nagpuyo kining dalayegon ug naa kaniya ang mga hiyas sa usa ka santo.

Kun madeklarar nga "Venerable," usa lang ka mirakulo pinaagi ni Camomot ang gikinahanglan aron siya madeklarar nga "Blessed" ug dugang usa pa aron mahingpit siyang tawgong usa ka Santo.

"Perhaps, in two months, the theologians will study it then the bishops and then the cardinals and finally the Pope," sumala pang Buscato.

Malaumon si Buscato nga paboran ni Pope Francis ang kawsa sa dili pa saulogon ang ika-107th nga kasumaran sa kamatayon ni Camomot karong Septiyembre 27.

"His proclamation as Venerable is the most precious gift to our congregation's Diamond Jubilee Celebration (60th Founding Anniversary) this year," matud niya.

Nagsugod ang paghikay sa kawsa sa paghimong santo kang Camomoto niadtong 2015. Naila sa mga Sugboanon si Camomot sa iyang pagkamanggihatagon, paghigugma sa mga kabus, simpleng pagpuyo, mainampoon ug pag-ayo sa mga masakiton.

Natawo si Camomot niadtong Marso 3, 1914 sa Carcar City, Cebu. Namatay siya sa aksidente diha sa San Fernando  niadtong Septiyembre 27, 1988 samtang padung na siya pauli sa ilang balay sa Carcar.  The Freeman/ IBM

TEOFILO CAMOMOT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with