Mga patigayon sa lungsod sa minglanilla manira matag domingo
CEBU, Philippines — Ipatuman sa lungsod sa Minglanilla ang pagsira sa mga pribadong establisemento matag adlaw nga Domingo samtang ubos pa ang probinsya sa general community quarantine GCQ.
Niadtong byernes Hunyo 19 gipirmahan ni Mayor Elanito Peña ang Executive Order No. 27 Series of 2020 nga nagmando sa temporaryong pagsira sa mga pribadong patigayon matag Domingo.
Kini maoy kabahin sa ilang gisagop nga “precautionary measures” nonot sa gipatuman nga health protocols gumikan sa COVID-19. Ubos sa maong executive order ang mga pribadong establisemento gimanduan nga temporaryong mosira gikan sa ala una sa hapon hangtud sa alas dose sa tungang gabii sa adlaw nga Domingo.
Ang temporaryo nga pasirad-an naglakp sa mga food deliveries ingon man ang mga nag deliver ug dili mga pagkaon sama sa supplies sa ubang mga produkto. Ang makalapas sa maong kamanduan mag-atubang ug posibleng pagka revoke sa ilang mga business permits .
Gihatagan lang ug exemption sa maong EO mao ang mga pharmacies ug drugstores ingon man mga funeral parlor.
"There is at present an increasing number of confirmed COVID-19 cases in the Municipality of Minglanilla", "Mitigation measures should be implemented to prevent the spread of COVID-19 and other diseases in the Municipality," pagbasa sa executive order.
Base sa uwahing datus sa mga active cases sa covid-19 nga gipagawas sa facebook page sa Minglanilla niadtong Hunyo 15 nasuta nga duna kini 65 ka “active cases”, duna kini kinatibuk-ang total nga 79 , dose niini ang naka-recover ug duha ang namatay. Freeman/MEL
- Latest
