Pagbabayad ng SSS contribution pinalawig
MANILA, Philippines — Pinalawig pa ng Social Security System (SSS) ang pagbabayad ng kontribusyon ng mga miyembro nito ng hanggang Hunyo 15 dahil sa nararanasang COVID-19 pandemic.
Ayon sa SSS, ang bagong extension ay para sa contribution payments ng lahat ng household employers, self-employed, voluntary at non-working spouse members para sa first quarter ng 2020 at sa contribution payments ng lahat ng regular employers para sa buwan ng Pebrero, Marso at Abril 2020.
Ang mga employers na may approved installment proposals sa ilalim ng Contribution Penalty Condonation Program ay may hanggang June 15, 2020 rin para magdeposito ng kanilang post-dated checks na due sa buwan ng Pebrero. Marso, Abril at Mayo 2020.
Sinabi ni SSS President and CEO Aurora Ignacio, ang extension ay upang mabigyan ng sapat na panahon ang mga miyembro at employers na mabayaran ang kanilang kontribusyon na epekto ng mga restrictions dahil sa banta ng COVID-19.
Maaari anyang gamitin ang online at mobile payment facilities bukod sa over-the-counter transactions sa pamamagitan ng SSS branches at kanilang bank at non-bank partners.
Wala namang kontribusyon na gagawing retroactive para sa mga self-employed, voluntary, o non-working spouse member sa pagdetermina ng kanyang eligibility para sa anumang benepisyo.
- Latest
