40 nagnegatibo sa lab test sa Bo. Luz nakauli na
(The Freeman) - May 20, 2020 - 12:00am

CEBU, Philippines — Gipapauli na kagahapon ang 40 ka Covid-19 patients kinsa nagnegatibo sa laboratory test sa Barangay Luz, Dakbayan sa Sugbo.

Ang maong mga pasyente unang gibutang sa Barangay Isolation Center human nagpositibo sa Covid-19.

Matud sa tigpamaba sa barangay nga si Eldebrian Arañez nga 51 kabuok ang tested negative apan 40 lang ang nakahukom nga mouli na samtang 11 nagpabilin una sa BIC.

Kini tungod kay duna pa silay kauban sa pamilya nga anaa pa sa BIC nga positibo sa Covid-19.

Hinuon hatagan na sila sa certification sa barangay pagmatuod nga negatibo na sila sa lab test.

Sa niaging semana gipahibawo ang 24 na nga naka-recover sa Barangay Luz gikan sa 68 ka pasyente nga anaa sa BIC.

Sa 68 nga gi-test, 45 lang ka test ang nabasa diin 24 nagnegatibo samtang 21 ang pabiling positibo sa Covid-19.

“Gahapon gi-test na ang uban na positive... ang gigamit na test kay ang rapid test na, and we are waiting for the result 2-3 days from the City Health Department,” matud ni Arañez.

Dugang pa niya nga hangtud kagahapon, 80 pa ka pasyente anaa sa BIC diin 46 gikan sa Sitio Zapatera, 20 sa ubang sitio ug 27 ang bag-o lang gibalhin.

Kagahapon, ang Siyudad sa Sugbo nakatala na og 104 ka recoveries kinsa kasagaran gikan sa Sitio Zapatera.

Samtang gipahibawo sa tigmapaba sa mayor, Atty. Rey Gealon, nga sukad gipahigayon ang massive swab testing ug contact tracing sa lugar, wala nay natala nga nagpositibo sa Covid-19 sa Barangay Luz.

“Tungod kay didto nag focus ang mass testing, swab testing, contact tracing, wala na nag-positive sa area, ug ang ilang pinuyan-an ug silingan didto gipang disinfect na.

Buot pasabot ready na ang community na mabalik sila, kay ang latest nga nag-postive didto kay gi-pull out naman sab ug gisulod sa BIC sa Luz,” matud ni Gealon. Gikan sa The Freeman/GMR

LAB TEST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with