Di pa andam mag GCQ
Le Phyllis Antojado (The Freeman) - May 15, 2020 - 12:00am

CEBU, Philippines — Tungod sa gipadayag nga kabalaka sa mga mayor sa Lapu-Lapu ug  Mandaue Cities nga modaghan unya ang mga matakdan sa coronavirus disease (COVID-19) kun ipaubos sila sa general community quarantine, ang Regional Inter-Agency Task Force-7 for the Management of Emerging Infectious Diseases nagkauyon nga ipaubos lang una sila sa Modified Enhanced Community Quarantine.

Nasayran sab nga hasta si Talisay City Mayor Gerald Anthony “Samsam”Gullas ug Minglanilla Mayor Mayor Elanito Peña nabalaka sab nga mapaubos na sila sa GCQ tungod kay alang kanila nagsaka pa gihapon ang mga kaso sa coronavirus sa ilang mga lugar.

MECQ

Ang RIATF7- MEID misugot sa rekomendasyon sa Screening and Validation Committee nga ibutang sa MECQ  gikan sa kasamtang ECQ status ang Mandaue ug Lapu-Lapu.

Ang duha lakip na ang Minglanilla ug Talisay City gikatakdang ipaubos nalang unta sa GCQ sugod karong Mayo 16 hangtud Mayo 31 dungan sa mga kalungsoran sa probinsya sa Sugbo subay sa gipagawas nga National IATF-MEID issued Resolution No. 35.

Sa special virtual meeting sa task force sa Cebu City nipagawas sila sa Resolution No. 01 series of 2020. Apan kini nga resolusyon ipadala pa nila nagdto sa National IATF-MEID aron aksyonan.

"We expect that the national IATF-EID will acquiesce to our appeal since we have nothing but the best interest of our people in mind," sumala pa sa joint statements nilang Mandaue City Mayor Jonas Cortes, Lapu-Lapu City Mayor Junard Chan uban sa suporta ni Cebu City Mayor Edgardo Labella.

"While we welcome such development, we could not simply ignore the harsh realities that to our assessment, it is still not safe to proceed with the General Community Quarantine, more so, that a greater part of the community has not been tested for COVID19," matud pa sa ilang joint statement.

Talisay

Si Gullas sa iyang bahin ni post sa Facebook page nga nagpadala na kini og suwat sa RIATF7- MEID nga gusto niyang magpabilin lang una sa ECQ ang ilang dapit tungod kay nagsaka pa ang mga kaso sa COVID-19 sa ilang dapit. Ang Talisay  dunay napulo ka kaso, duha na niini ang namatay samtang ang walo anaa pa sa tambalanan o isolation center sa siyudad.

“As of yesterday we had only 8 cases. Out of the 8 cases, 7 cases had connections to Cebu City. But the one case today is different.

Kay naigo na gyud ang Brgy. Tangke na sikit2x gyud kaau ang mga panimalay ana na Sitio. I am very concerned,” matud pang Gullas. Mao kini ang rason nganong niapelar siya sa RIATF7- MEID.

“We should know the extent of the virus in barangay Tangke. We will swab continuously all contacts within the barangay. This will take time and effort, but dili nato biyaan ang Barangay Tangke.During this time we can also swab all remaining contacts of all our remaining cases and make an educated decision from there,” matud niya.

Minglanilla

Samtang si Mayor Elanito Peña miingon nga unom (6) ang kaso sa COVID-19 sa ilang dapit, ang upat niini mga frontliners.

“Nagsaka saka man ni among COVID positive patients. Ang akong giproblema lage kay kasagaran sa among COVID positive patient mga frontliners, mao gyud naka-cause namo diri,” matud ni Peña.

Samtang si Mayor Elanito Peña miingon nga unom (6) ang kaso sa COVID-19 sa ilang dapit, ang upat niini mga frontliners.

“Nagsaka saka man ni among COVID positive patients. Ang akong giproblema lage kay kasagaran sa among COVID positive patient mga frontliners, mao gyud naka-cause namo diri,” matud ni Peña.

Si Peña nagkanayon silang duha ni Talisay City Mayor Gerald Anthony “Samsam” Gullas ang nipadala na og suwat ngadto sa IATF niadtong Mayo 13 nga dili lang usa mo-transition ngadto sa GCQ tungod kay ang parehong LGU nagkasaka pa ang ilang mga kaso.

Si Peña nagkanayon nga makighinabi siya kang Gobernador Gwendolyn Garcia kalabot niini karong adlawa atol sa mga meeting sa mga mayor didto sa Balamban. The Freeman/IBM

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with