Renewal sa business permit gipaagi sa online
CEBU, Philippines — Daghan karon sa mga establisamento sa Siyudad sa Mandaue ang gipaagi lamang sa online ang nagpa-renew sa ilang business permit aron paglikay sa coronavirus disease.
Si Atty August Lizer Malate , pangulo sa Business Permit and Licensing Office miingon nga 7,000 ngadto sa 8,000 ka mga establisamento ang malampuson nga nag-file sa renewal sa ilang business permit pinaagi sa online apan nagkinahanglan pa og verification.
Matud pa ni Atty Malate nga mapagawas na ang business permit sa higayon nga makompleto na ang tanan nga gikinahanglan nga mga dokumento.
Nagsugod sa pag-epekto ang renewal sa mga business permit alang sa tuig 2022 niadtong Enero 1 ug matapos usab kini sa Pebrero 15, 2022. MEL (BANATNEWS)
- Latest