COVID-19 update: Dul-an 500 na ang nangaayo
CEBU, Philippines — Niabot na sa 2,055 ang kaso sa coronavirus disease (COVID)-2019 sa Cebu City human kagahapong adlawa nakatala ang Cebu City Health Department og dugang 42 ka mga bag-ong kumpirmadong kaso.
Ang 42 ka mga bag-ong kaso gikan sa: Barangay Tejero nga duha; tulosa Sambag 2; usa sa Tisa, usa sa Inayawan; duha sa Ermita, duha sa Pardo; usa sa Mambaling; usa sa Sawang Calero; usa sa Duljo-Fatima; duha sa Cebu City Jail; tulo sa Suba, 22 sa Pasil ug usa nga unverified.
Miabot na sab og 471 ang naka-recover gikan sa COVID-19 human kagahapong adlawa adunay nadugang nga 77 ka mga pasyenteng nangaayo. Tulo niini gikan sa Suba; walo sa Bacayan; tulo sa Punta Princesa; usa sa Labangon ug 62 sa Barrio Luz.
Samtang kagahapon sa buntag 41 ka mga recoveries sa Barangay Bacayan ang nakagawas na sa Barangay Isolation Center. Kagahapon sa hapon, 23 sab sa Carreta, 44 sa Mambaling, usa sa Barangay Inayawan ang nakagawas na sa ilang BIC. Rowena Capistrano/IBM (BANATNEWS)
Related video:
- Latest
