Calpito, Segui tinapik ni Papa
MANILA, Philippines — Pinangalanan ni Philippine Swimming League (PSL) President Susan Papa ang dalawang international directors - isa sa Amerika at isa sa United Arab Emirates - na tutulong sa mga Pinoy tankers sa kanilang international training at exposures.
Ito ay sina dating national team member Alfred Calpito na siyang magiging International Director for US at swimming coach Francis Segui na itinalaga namang International Director for UAE.
“We are happy to announce that we have appointed them as our international directors. Calpito and Segui are committed to help PSL in our grassroots development program and vowed to make strong ties to other foreign countries in swimming for further international exposure,” wika ni PSL President Susan Papa.
Naging bahagi ng pambansang koponan si Calpito noong dekada 80 sa mga malalaking international competitions. Kasalukuyan itong naninirahan sa San Antonio, Texas.
Sa kabilang banda, si Segui ang swimming head coach at operation head ng Prime Star Academy sa Dubai, UAE.
Sariwa pa ang PSL sa matagumpay na kampanya sa 2018 Bolles School Sharks TYR February swimming competition sa Cecil Aquatics Center sa Jacksonville, Florida; 2018 Middle East Open Swimming Championship sa Hamdan Sports Complex sa Dubai, UAE at sa 2018 Thanyapura Swimming Championships sa Thanyapura Swimming Pool sa Phuket, Thailand.
- Latest