Richard gi-bash gumikan sa “Fake News”
CEBU, Philippines — Gisumsoman karon sa social media ang gi-share ni Ormoc City Mayor Richard Gomez nga “fake news” sa iyang Twitter account.
Niadtong Huwebes, nag-share si Richard og news item kalabot sa giingong mensahe sa reyna sa United Kingdom nga si Queen Elizabeth II kalabot kang President Rodrigo Duterte.
Aduna kini titulo nga “Queen Elizabeth: ' Who Would Have Thought That One Day Philippines Will Get A Brave man Like Duterte?'”
Sa maong post, gibutangan kini og“BBC-Channel” nga matud pa maoy tinubdan sa report. Apan nasuta nga ang artikulo gikan sa fake news website nga britana.altervista.org.
May mga netizen sab nga niingon imposibli kaayo nga muluwat og ingon niini nga pamahayag si Queen Elizabeth sanglit dili man gani kini manggilabot sa dagan sa politika sa iya mismong nasud. Mainampingon matud pa ang royal family sa mga hisgutanan nga ingon niana.
Gitambagan si Richard sa pipila ka netizens nga kinahanglan nga i-check gyud daan sa dili pa mo-share og item.
- Latest