Mga natuto kay Francis M., buhay pa ang career

Noong unang bahagi ng 2000s nagkaroon ng sikat na sikat na rap battle competition sa Eat Bulaga. Tinawag itong RapPublic of the Philippines.

Isa itong sagupaan ng mga Pilipinong naghahangad na maging rap artists at ang mga pambihirang kalahok ay tinuruan ng yumaong Master Rapper na si Francis Magalona.

Ang nagwagi sa kompetisyon ay isang trio mula sa Marikina at tinawag ang kanilang grupo na Triangulo na sa kalaunan ay naging hit at nagkaroon ng sari-sariling screen name mula sa mga sikat na karakter ng Noli Me Tangere ni Jose Rizal.

Sila ay sina Lordivino Ignacio na kilala rin bilang Basilyo, Muriel Anne Jamito (Sisa) at Jeffrey Pilien (Crispin).

Sa patnubay noon ni Francis M., naitala ng Crazy as Pinoy ang kanilang mga kanta sa dalawang volume ng mga album na RapPublic of the Philippines.

At kabilang sa kanilang mga hit ang Panaginip, Huwad, at Crazy Dance.

Noong kalagitnaan ng 2000s, nagpatuloy ang grupo sa paglikha ng mga kanta at nagkasundo sila na gumawa ng mga solong karera sa industriya ng musika. Napagtagumpayan ito ni Basilyo sa kanyang hit song na Lord Patawad.

Hanggang naging aktor na rin siya at nakasama pa niya si Coco Martin sa mga teleserye tulad ng FPJ’s Ang Probinsyano at sa kasalukuyang palabas na Batang Quiapo.

Gumawa rin siya ng mga kanta para sa telebisyon at pelikula tulad ng Vendetta, Cardo Dalisay, 3pol Trobol Huli Ka Balbon at Jack Em Popoy: The Puliscredibles.

Si Sisa, ang powerful voice sa likod ng hit na kantang Panaginip, mahusay sa likod ng mga eksena bilang kompositor para sa commercial jingle at  sumusulat ng kanta para mga kilalang mang-aawit.

Siya rin ang nagsulat ng Di Ba Halata  ni Toni Gonzaga, Ngumit Ka Lang ni Lyca Gairanod at Di Ka Man Lang Nagpaalam ni Juan Karlos Labajo.

Ang pinakamalaking karangalan niya sa ngayon sa “theme song category” ay ang kantang Di Ka Nag-iisa na isa sa mga hit theme para sa FPJ’s Ang Probinsyano na kinanta ni Ms. Regine Velasquez, ito ay nakakuha ng  for Best Song Written for Movie/TV/Stage.

Ipinagpatuloy naman ni Crispin ang pakikipagtulungan sa iba’t ibang mga Hip-hop artist at lumikha ng viral hit tulad ng Misyon kasama ang Barakojuan at Marikina All-Star, Minahal Kita Agad kasama sina Bullet, DuffUno at Jeremiah Toribio.

Siya rin ang ambassador ng Crazy as Pinoy sa komunidad ng Hip-hop, tinitiyak na ang grupo ay kinikilala at kinakatawan pa rin sa eksena ng Hip-hop at upang matulungan ang mga umuusbong na rap artist sa hinaharap.

Ngayong 2023, nagdesisyon ang Crazy as Pinoy na muling buuin at magbigay ng mga bagong mga kanta para sa mga Gen Z. Nagkataon, Ang sigawan para sa reunion performance ng kanilang iconic song, Panaginip ay dumating. Pinagbigyan ng Wish 107.5 ang kahilingan at ang kanilang performance sa YouTube sa Wish bus ay nakakuha na ng 14 milyong views mula noong Pebrero.

Ang pagbabalik ng Panaginip ay naging magandang senyales para sa Crazy as Pinoy at pinatibay ang kanilang planong muling magsama-sama.

Sa pamamahala ngayon ng Blvck Entertainment.

Ang kanilang unang single sa ilalim ng Blvck Music ay isang 2023 na bersyon ng Panaginip at isang opisyal na music video na pinangunahan ng kinikilalang direktor, si Titus Cee.

Ang Panaginip 2023 ay kasama sa kanilang bagong digital album at available na ngayon sa music streaming platform: Spotify, Apple Music iTunes, Amazon, Deezer, Medianet, Boomplay, YouTube Music.