Gerald at Sarah nakakahinayang!

Sayang hindi ako nakapunta para manood ng ginawang movie nina Gerald Anderson at Kylie Padilla na Unravel.

Isa pa naman sa favorite actor ko si Gerald dahil ‘yung loveteam nila noon ni Sarah Geronimo sa pelikula ang number 1 sa list ng pinapanood ko talaga.

Kaloka na hindi naging sila dahil meron na silang kanya-kanyang buhay ngayon.

Pero dahil talagang type ko ang acting ni Gerald kaya kahit sino ang partner niya ok sa akin.

Plus mahusay ring artista si Kylie kaya tiyak ko na maganda ang pelikulang ginawa nila, ang Unravel na sad daw ang story.

Naku dapat naman talagang makapanood tayo ng drama movies ngayon na ang tunay na buhay nga mas madrama pa yata kesa sa movies.

‘Pag nagbasa ka nga ng news, ‘yung mga balitang shocking at hindi mo aakalaing nangyayari sa tunay na buhay.

Kaya dapat Pilipino Star NGAYON at Pang Masa ang binibili n’yo dahil talagang fair at balance ang balita. Talagang iba na ang panahon ngayon, kaya buti na lang at meron pang gumagawa ng movies na tulad ng Unravel. Bongga.

Coffee Project, takaw-pansin!

Bongga ang Coffee Project, ha. Talagang pinatikim sa amin ni Avec ang masarap na merienda like sweet camote at ‘yung kakaibang egg pie.

Saka isang maganda sa Coffee Project ang ganda ng mga coffee shop nila kaya naman ang dami talagang gustung-gusto rito magpalipas-oras habang kumakain ng masasarap na pagkain talagang well-researched ng staff ng Coffee Project.

Hindi kataka-takang marami nang branch ang naturang coffee shop na talagang takaw-pansin dahil sa magandang interior at exterior nito.