Romnick, napa-oo agad sa pagiging gay!

Mapapanood na simula April 8 hanggang 18 ang pelikulang About Us But Not About Us na pinagbibidahan nina Romnick Sarmenta at Elijah Canlas.

Isa ito sa mga pelikulang kalahok sa kauna-unahang Metro Manila Summer Film Festival. Maganda ang naging pagtanggap sa naturang proyekto nang ipalabas sa Australia, Portugal at tinanghal na ring Best Film sa Tallinn Film Festival sa Estonia noong Oktubre. Ginampanan ni Romnick ang karakter ni Eric na isang gay professor. Hindi umano nagdalawang-isip ang aktor na tanggapin ang pelikula. “As I was reading it (script), in the few pages, I get affected already. Maganda ang takbo ng story, ‘yung flow, ‘yung kwento, ‘yung batuhan ng lines. I was told that my character was a professor and he’s gay. He gets caught up in this weird situation. But they didn’t tell me how the story was going to progress. I guess that helped. The setting of the story is conventional. In a conversation, you usually don’t know what the person you’re talking to would say. Tatanggapin mo lang kung ano ang ibabato sa ‘yo, then try to react and respond,” pagbabahagi ni Romnick.

Mahigit apat na dekada nang aktibo sa show business ang aktor. Para kay Romnick ay madali na lamang gampanan ang isang karakter na hindi niya karaniwang ginagawa. “Kung may hugot man ako sa film, it was so easy to empathize what those two people are going through. At the same time, lahat tayo may relasyon. Whether it’s a romantic relationship or relationship with family, we get hurt. Sometimes, hindi nila sinasadya. Or sometimes, hindi natin sinasadya nasasaktan natin sila. For me, it’s easy to put myself in that situation where two people don’t know how to talk to each other and they both ended up hurting,” paglalahad ng aktor.

Nathalie, nag-iingat sa detalye ng kasal

Masayang-masaya si Nathalie Hart sa kanyang buhay pag-ibig ngayon. Nalalapit na umano ang pag-iisang-dibdib ng aktres at ng kanyang Australian boyfriend. Para kay Nathalie ay mas mabuti nang hindi muna ipaalam sa publiko ang mga detalye tungkol sa kanilang pagpapakasal. “Before I was a lot open with my relationship. Then we were about to tie the knot. A week before my wedding date, we canceled. I feel it will be nice to really get married before I share a lot of things. I’ve learned so much from my past mistakes. You don’t need to tell everyone,” nakangi­ting pahayag ni Nathalie.

Apat na taong gulang na ngayon ang anak ng aktres na si Penelope. Para kay Nathalie ay importanteng ang pamilya na lang muna ang makaalam tungkol sa bagong yugto ng kanyang buhay. “You need to explain to your family, as well. I also have a child to think about. Does she feel good? Does she understand there’s another person coming into my life? If it’s really the two of us, then let it be the two of us. That person will have to be a stepfather to my child. I’m not hiding my love life because I am embarrassed. I’m doing it because my family is part of it,” paliwanag niya.

Ayon kay Nathalie ay malaki ang naging pagbabago sa kanyang buhay mula nang maging isang ganap na ina. “It also gave me a lot of responsibilities. Dati okay lang kahit anong oras ako magising basta wala kang trabaho. Now it’s different. You do have to plan your day. It actually made me a healthier person. I’m not saying that I had vice. Now I’m more mentally stable when I had a child. It slowed me down, gave me purpose, gave me responsibilities and made me a better person,” makahulugang pagtatapos ng aktres.

(Reports from JCC)