Star-studded Firefly

CEBU, Philippines —  Adunay gam-on nga pelikula ang GMA Public Affairs. Giulohan og “Firefly” bida niini si Dingdong Dantes ug ubos sa direksyon ni Zig Dulay kinsa maoy responsabli sa malampusong GMA7 primetime series Maria Clarra at Ibarra. Apil sab niini sila si Alessandra de Rossi, Epi Quizon, Kokoy de Santos, Max Collins ug Cherry Pie Picache, kauban ang loveteam nila ni Miguel Tan Felix ug Ysabel Ortega. Nag-script reading na sila niadtong Lunes.

Malinawon na

Civil na sa usa’g-usa sila si Vina Morales ug kanhi niya boyfriend nga si Cedric Lee. Ang duruha adunay 13-year old nga anak, si Ceana. Suma ni Vina sa exclusive nga tsika nila sa PEP Troika, nakatabang ang pandemic aron makaamgo sa sila nga ipatigbabaw ang kalinaw ug pagsinabtanay sa usa’g-usa human sab sila gitambagan sa korte nga maghusay na lamang sila alang sa ilang anak. Gasto ug kalas sab matud pa og oras kun magkasuhay pa. Kahinumduman nga niadtong 2016, niduso og reklamo si Vina batok kang Cedric kay gidala matud pa niini ang ilang anak og pipila ka adlaw nga walay pagtugot niya. Nibawos sab og reklamo si Cedric pinaagi sa pagpasaka og kasong libel batok sa singer/actress.

Wala na bitaw

Tinuod nga aduna pa gihapoy nadawat nga commission si Ogie Diaz gikan kang Liza Soberano sa nilabayng duha ka tuig. Kini suma mismo kang Ogie sa iyang vlog niadtong Martes sa gabii. Kini kay ang gibalibaran ni Liza mao man ang bag-ong projects ug endorsement offers. Buot pasabot, sama ra sa giingon ni Liza sa Fast Talk With Boy Abunda, nga ang commission ni Ogie gikan sa mga deals nga na-close ug na-renew niadtong ang nahisgutan pa maoy iyang talent manager. Pero usa kini sa gitumbok nga rason ni Liza sa maong interview nga namakak matud pa si Ogie kay niingon kini nga wala na siyay nadawat nga commission gikan kang Liza sa nilabay nga duh aka tuig. Tuod man, nakapangutana si Ogie diin maggikan ang isyu sa commission nga ang iya ramang giingon mao nga buot unta niya nga dawaton sa kanhi niya talent ang Pinoy version sa It’s Okay Not To Be Okay, bahala’g wala na siya’y commission, kay ganahan lang gyud siya nga ma-alegre ug makita na sab pag-usab ang Lizquen sa telebisyon. Ang Lizquen mao ang kanhi loveteam ni Liza ug Enrique Gil.