Dolly, inisnab ng Oscars!
Pinoprotesta kahapon ng film aficionados ang pagkalaglag ni Dolly de Leon sa Best Supporting Actress Category ng Oscar Awards.
Kasama raw si Dolly sa biggest snubs sa Oscar nominations this year.
Ang mga nominado ay sina :
Angela Bassett, Black Panther: Wakanda Forever
Hong Chau, The Whale
Kerry Condon, The Banshees of Inisherin
Jamie Lee Curtis, Everything Everywhere All at Once
Stephanie Hsu, Everything Everywhere All at Once.
Ang inaapela nila ay si Jamie Lee Curtis sa Everything Everywhere All at Once.
Hindi raw remarkable ang role nito sa nasabing pelikula at kung kahusayan sa pag-arte ang naging basehan mas magaling si Dolly sa pelikulang Triangle of Sadness na nagbigay rin ng nominasyon sa aktres sa Golden Globes at British Academy Film Awards (BAFTA).
Kaya super trending kahapon si Dolly.
Nauna na rin siyang nanalo sa 2022 Guldbbage Awards at 2022 Los Angeles Films Critics Association Awards.
Habang ang pelikula ay nakuha ang Cannes Palme d’Or or Best Picture award sa 2022 Cannes Film Festival.
Kilalang pa-extra extra lang sa mga Tagalog film si Ms. Dolly pero sa Triangle of Sadness ay pinatunayan niya sa buong mundo ang husay sa character ng isang Pinoy overseas worker sa luxury yacht na pelikula ni Ruben Östlund.
Nag-umpisa siyang isang toilet manager sa kuwento, pero bigla siyang nagkaroon ng power nang abutin ng trahedya ang nasabing luxury yacht.
Isa itong dark comedy pero hindi nakakainis at may katuturan ang mga eksena.
Nauna na ring tumanggap ng iba’t ibang papuri si Dolly sa film critics matapos itong ipalabas sa Toronto Film Festival at New York Film Festival.
Starring din dito sina Harris Dickinson, Woody Harrelson, Henrik Dorsin, Zlatko Buric, Iris Berben, Sunnyi Melles, Vicky Berlin, Oliver Ford Davies at ilang Pinoy actor na nagsasalita ng Tagalog sa kanilang mga eksena.
Anyway, kumbaga winner pa rin si Dolly dahil nominated ang pelikulang Triangle of Sadness for Best Picture, Best Original Screenplay and Best Director (Ruben Östlund na isang Swedish). Kaya tiyak na present siya sa Oscars.
Ang tanong lang ay kung sinong designer ang magdadamit sa kanya pagrampa sa red carpet ng Film Academy.
- Latest
