Janine nagpanikad kang Direk Erik
CEBU, Philippines — Nagmaya si Janine Gutierrez gumikan kay makatrabaho na gyud niya si Direk Erik Matti alang sa sunod niya nga proyekto.
Matud pa sa aktres nga excited naa kaayo siya niini sanglit dugay na niya nga gipangandoy nga makauban sa trabaho ang maong direktor.
“Kung alam mo lang yung saya kooooo. Tagal ko nang goal to!! See you soon direk!!! THANK YOUUU,” tipik sa IG story sa aktres.
Wala pa hinoun gidetalye ni Janine ang konsepto sa
maong proyekto.
Sam andam modawat og sexy role
Subling nipirma og bag-ong management contract si Sam Concepcion sa Viva.
“For me, I like to stay where I will grow. And I really did feel that nu’ng nandito ako sa Viva despite na most of my years in Viva kinain ng pandemic, ” nagkanayon si Sam .
Andam usab siya modawat og sexy role kun hatagan siya og Vivamax project.
Alang kaniya , basta maayo lang ang pag-umol sa istorya ug dunay nindot nga material , andam ra gyud siya modawat og bug-at nga role.
Ara milugwa sa billboard sa New York
Nagbabag sulod na sa pipila ka adlaw ang dagway ni Ara Mina sa usa ka digital billboard sa Times Square sa New York City.
Nag- Filipiniana dress ang aktres nga hinimo sa Musa Fabric ni Joy Soo. Mao kini ang ikaduhang higayon nga nilugwa ang iyang hulagway sa billboard didto sa Amerika ug nahitabo kini niadtong 1999 kun diin nakauban niya si Martin Nievera sa usa ka konsyerto.
Moira mang-hugot napud
Adunay bag-ong ginama nga kanta si Moira dela Torre nga gamiton sa umaabot nga pelikula .
Kini maoy gipahibalo dili pa lang dugay sa music producer nga si Jonathan Manalo .
Sama sa naandan , giingong napuno usab sa hugot ang bag-ong awit ni Moira.
"Produced a brand new original for Moira the other night for the soundtrack of an upcoming movie. Kakaiyak lang ni Moi diyan... she was crying almost the entire time nung nire-record namin this song. Napakaganda and super tagos na naman sa puso. Congratulations for yet another masterpiece, Moi," suma pa social media post ni Manalo . Wala hinoun gidetalye niini ang movie project nga kantahan ni Moira.
Maxene mibiya na sa balay
Hingpit na nga nibiya si Maxene Magalona sa panimalay nila ni Robbie Mananquil ug nibalhin na kini sa kaugalingon niya nga apartment.
Wala gihapon matino ang rason sa breakup sa magtiayon.
“Move on, move out and move forward. When something ‘negative’ is happening in your life, approach the situation with love and kindness. God is with you every step of the way To my fellow single ladies and gents out there, let’s get moving!," suma pa IG post ni Maxene.
Kahinumdoman nga nagpakasal sila si Maxene ug Robbie niadtong 2018 ug gikatahong nagbuwag sa miaging buwan.
Danny Javier sa APO mipanaw
Nipanaw niadtong Lunes ang 75 anyos mga APO Hiking Society member nga si Danny Javier. Ang maong report gikumpirmar sa iyang anak nga si Justine Javier Long pinaagi sa Facebook post. Matud pa niya nga nakasinati og komplikasyon ang iyang amahan sa taod-taod na nga sakit nga gihambin niini.
"In life, as in his death, our Pop never stopped fighting for what he loved, what he believed in and what he was passionate about. He left this world with his passion and his strength of will intact and we know he would not have it any other way," saysay pa sa anak sa singer.
Samtang ang tweet ni kanhi Senador Tito Sotto nagkanayon : “Danny! We were together frm 1972 to 74. Last time we met was in Beverly Place Country Club few years ago. We always had our private jokes. The industry will miss you, my Friend, but you will now be singing for a far greater audience!”
Mga konsiderasyon
Sa kadugay na ni Cherry Pie Picache sa showbiz , ipatigbabaw gihapon niya ang iyang mga konsiderasyon sa pagpili og proyekto. Pipila niini mao ang pagsusi og maayo sa script ug pag-ila sa iyang mga makatrabaho.
"Awake"
Gi-release na sa kanhi "Pinoy Big Brother" celebrity housemate Shanaia Gomez ang bag-o niya nga single nga nag-ulohan og "Awake." Madungog kini sa nagkadaiyang music streaming platforms.
Wala na'y kontrata
Gikatahong na-expire na ang kontrata ni Enrique Gil sa ABS-CBN niadtong Setyembre busa nikisaw og samot nga mobalhin kini sa GMA-7. Dunay mga higala ni Enrique ang nihimakak sa nitumaw nga report nga matud pa daghan kaayo og demanda ang aktor kun mobalhin kini og laing network.
- Latest