Jane at Janella, ginagawan ng queer loveteam!
Sina Jane de Leon at Janella Salvador ang ginagawan ng ‘love angle’ ng fans ng Darna at laging nagti-trending ang #Darlentina.
Kaya nasasabik ang fans sa ‘queerbait’ at tanungan kung saan aabot ang Darlentina.
Sila nga ang ni-link ng netizens at binibigyan ng meaning ang mga eksena nilang magkasama.
Anyway, patuloy ang pagsugpo ni Darna (Jane De Leon) sa mga Extra na naghahasik ng kasamaan sa Nueva Esperanza sa pagdating ng bagong kontrabida sa katauhan ng Clone Man (Neil Coleta) sa hit primetime series na Mars Ravelo’s Darna.
Ang Clone Man na may natatanging abilidad na gumawa ng maraming kopya ng sarili ang bagong kinakaharap ni Darna pagkatapos mamatay ang Killer Ghost (Christian Bables) sa kamay ng pinuno ng Extra Task Force na si Brian Robles (Joshua Garcia).
Napapanood na rin si Kim Rodriquez sa pinaka-pinag-uusapang serye bilang ang shapeshifter na si Xandra na kanang-kamay ni Heneral Borgo na nagnanais malaman ang tunay na katauhan ng bagong protector ng mahiwagang bato para makuha ito sa kanya at tuluyang magamit para pamunuan ang planetang Marte.
Maaring abangan ang mga kaganapan sa Darna, Lunes hanggang Biyernes, 8 pm sa Kapamilya Channel, Kapamilya Online Live, CineMo, A2Z, at TV5.
- Latest
