Makalisang ang Dagway

Trending ang transformation ni Regina ngadto na sa pagka Valentina sa ABS-CBN pantaserye nga Darna niadtong Huwebes sa gabii. Suma pa sa netizens labihan ka angayan ni Janella Salvador isip Valentina ug katuohan kaayo ang paglihok sa mga bitin diha sa iyang ulo.  Maayo sab matud pa ang acting ni Janella, diin nanlisik ang iyang mga mata. Makahadlok matud pa kaayo tan-awon. May mga netizen nga niingon nga daw karon pa mahitabo nga mahigugma sila og kontrabida. Apan ang ulo ug nawong pa lamang ni Valentina ang gipakita niadtong Huwebes, busa naghuwat ang fans nga ipakita na sab ang iyang costume.  Ang Darna nga gibituonan ni Jane de Leon, makita sa telebisyon pinaagi sa TV5, A2Z ug Kapamilya Channel human sa TV Patrol. Naa sab sa Youtube pinaagi sa ABS-CBN Entertainment.

No comment

Nilihay si James Reid dihang gipangutana sa exclusive interview sa Philippine Entertainment Portal kabahin sa matuod nga estado nila ni Nancy McDonie kinsa sakop sa Kpop group Momoland. Kini may labot sab sa nikatap nga video nilang duha diin makita nga nag-agbay si James kang Nancy, samtang ang usa ka kamot sa dalaga naa sa hawak ni James. “No comment. She's a very kind person. But, yeah, no comment,” nagkanayon siya ngadto sa PEP.